ტარიელ ელაშვილი (ასისტენტ-პროფესორი)
განათლების მეცნიერების დოქტორი
მიმართულება: განათლება
ტარიელ ელაშვილი არის განათლების მეცნიერების დოქტორი და აღმოსავლეთ ევროპის უნივერსიტეტის განათლების მეცნიერებების ფაკულტეტის ასისტენტ-პროფესორი. მას აქვს ლიდერობისა და ორგანიზაციული მართვის მიმართულებით პროფესიული საქმიანობის მრავალწლიანი გამოცდილება.
აკადემიური საქმიანობის დაწყებამდე, 2006–2019 წლებში, ტარიელ ელაშვილი მსახურობდა საქართველოს თავდაცვის ძალებში, სადაც სხვადასხვა პერიოდში იკავებდა ისეთ პოზიციებს, როგორებიცაა საჰაერო თავდაცვის რადიოლოკაციური სისტემების ოპერაციების ინჟინერი, საბრძოლო მანქანის მეთაური, ბატარეის მეთაური, ბატალიონის შტაბის უფროსი და ბატალიონის მეთაური. აღნიშნულ პოზიციებზე მუშაობისას მან მნიშვნელოვანი გამოცდილება შეიძინა ლიდერობის, სტრატეგიული დაგეგმვის, ოპერაციული მართვისა და პერსონალის განვითარების მიმართულებით. პროფესიული განვითარების ფარგლებში გავლილი აქვს სამხედრო ლიდერობის, ავიაციისა და საერთაშორისო ოპერაციების მიმართულების სასწავლო პროგრამები საქართველოში, პოლონეთში, გერმანიასა და ამერიკის შეერთებულ შტატებში.
მისი კვლევითი ინტერესები მოიცავს სიმულაციაზე დაფუძნებულ სწავლებას, ციფრული და თამაშზე დაფუძნებული სწავლების მეთოდებს, სტუდენტზე ორიენტირებულ სწავლებასა და უმაღლეს განათლებაში სწავლა-სწავლების თანამედროვე მიდგომებს. ამ მიმართულებით ჩატარებული აქვს ექსპერიმენტული კვლევა სხვადასხვა სწავლების მეთოდების ეფექტურობის შესაფასებლად.
ტარიელ ელაშვილს მონაწილეობა აქვს მიღებული ხუთზე მეტ საერთაშორისო და ეროვნულ სამეცნიერო კონფერენციაში, ასევე სხვადასხვა სემინარში, ვორქშოპსა და საორგანიზაციო კომიტეტის საქმიანობაში, გამოქვეყნებული აქვს პუბლიკაციები Scopus-ისა და ERIH PLUS-ის მონაცემთა ბაზებში ინდექსირებულ საერთაშორისო სამეცნიერო გამოცემებში.
