სტუდენტებისა და კურსდამთავრებულებისთვის კარიერული განვითარებისა და ხელშეწყობის მიზნით EEU-ს სტუდენტური სერვისების განყოფილება სტუდენტებს სთავაზობს სხვადასხვა სერვისს:
- 300-ზე მეტი პარტნიორი ორგანიზაცია
- EEU ჩართულია სტუდენტური სტაჟირების სახელმწიფო პროგრამაში და დღემდე აქტიურად თანამშრომლობს საჯარო სამსახურის ბიუროსთან, რომელიც ყოველწლიურად უზრუნველყოფს მაღალი აკადემიური მოსწრების მქონე სტუდენტებისა და კურსდამთავრებულების სტაჟირებას საჯარო სამსახურში.
- EEU-ს ბაკალავრის ხარისხის მქონე და მაგისტრანტ სტუდენტებს შესაძლებლობა აქვთ, გაიარონ სერტიფიცირების კურსი და სტაჟირება სახელმწიფო აუდიტის სამსახურში „საჯარო სექტორის აუდიტორთა სერტიფიცირების პროგრამა და სტაჟირება’’-ის ფარგლებში.
- სტუდენტებს ასევე შეუძლიათ, გაიარონ სტაჟირება ან/და დასაქმდნენ უნივერსიტეტის პარტნიორ ორგანიზაციებში (პარტნიორ ორგანიზაციებში სტაჟირების გავლის შემდეგ დასაქმდნენ სტუდენტები საქართველოს უზენაეს სასამართლოში, პროკურატურაში, იუსტიციის უმაღლეს სკოლაში, ,,ჯინო ფერედაისში’’, nice room-ში და ა.შ. პარტნიორი ორგანიზაციები იხ. ბმულზე: https://eeu.edu.ge/portfolio/partniori-organizaciebi/). EEU-ს ურთიერთთანამშრომლობის მემორანდუმები ასევე ითვალისწინებს არა მხოლოდ სტუდენტების სტაჟირებაზე მიღებას, დასაქმების შესახებ ინფორმაციების მოწოდებას, არამედ სხვადასხვა ტიპის საგანმანათლებლო აქტივობების ერთობლივად ჩატარებასაც;
- შიდასაუნივერსიტეტო სტაჟირების პროგრამა ითვალისწინებს ფაკულტეტებსა და ადმინისტრაციულ სამსახურებში სტუდენტების სტაჟირებას. აღნიშნული პროგრამის ფარგლებში სტუდენტები გადიან ანაზღაურებად ან არაანაზღაურებად სტაჟირებას EEU-ს სხვადასხვა სამსახურში და სტაჟირების დასრულების შემდეგ ხშირად ამავე სამსახურში საქმდებიან პროფილის შესაბამისად.
- სტუდენტებს შესაძლებლობა აქვთ, გაიარონ სტაჟირება EEU-ს საერთაშორისო პარტნიორ უნივერსიტეტებში. მაგალითად, SWISS UMEF ჟენევის უნივერსიტეტსა და EEU-ს შორის თანამშრომლობის მემორანდუმის ფარგლებში, საბაკალავრო, სამაგისტრო და სადოქტორო პროგრამის სტუდენტებს შეუძლიათ SWISS UMEF უნივერსიტეტსა და მის პარტნიორ ორგანიზაციებში სტაჟირების, პრაქტიკის გავლა და კვლევის განხორციელება (საერთაშორისო პარტნიორი ორგანიზაციები და უნივერსიტეტები იხ. ბმულზე: https://eeu.edu.ge/portfolio/universities/)
- EEU არის აშშ–ს მსოფლიო განათლების მომსახურების (WES–WORLD EDUCATION SERVICES) ორგანიზაციის წევრი და ნებისმიერი საბაკალავრო და სამაგისტრო პროგრამის სტუდენტსა თუ კურსდამთავრებულს საშუალება ეძლევა, მოიპოვოს მობილობის უფლება, მიიღოს შეფასება/რეკომენდაცია, განათლების კვალიფიკაციის აღიარება აშშ–სა და კანადის ქვეყნების სხვადასხვა დაწესებულებაში დასაქმების უფლების მიღების მიზნით და ა.შ
- ეწყობა დასაქმების ფორუმები, თემატური კონფერენციები (მაგალითად, “დასაქმების სააგენტო ეიჩარი”-ის დასაქმების ფორუმი, ონლაინ დასაქმების ფორუმი, განათლების საერთაშორისო გამოფენა, ტრენინგები დასაქმების ხელოვნებაზე და სხვა)