ხარისხის უზრუნველყოფის პრინციპები

უნივერსიტეტი ისწარფვის, რათა სტუდენტისა და სხვა ბენეფიციარის მოთხოვნებს ადეკვატურად უპასუხოს.  ეს მიიღწევა მაშინ თუ დასტურდება რომ მათი მოთხოვნა ემთხვევა  უნივერსიტეტის შეთავაზებულ მომსახურებასა და სერვისებს, ხოლო მათი მოლოდინები გამართლებულია.

EEU-ში მხარდაჭერილია  თანამონაწილეობითი პროცესები, სადაც  მნიშვნელოვანია დადასტურდეს, რომ ყველა პირი, რომელიც იღებს პროცესებში მონაწილეობას არის კომპეტენტური, უფლებამოსილი და იზიარებს საერთო ღირებულებებს.

EEU-სთვის პრინციპიულად მნიშვნელოვანია უნივერსიტეტის მისიის, ხედვის, ღირებულებებისა და მიზნების განსაზღვრაში და განხორციელების პროცესში    ჩართული იყოს უნივერსიტეტის სტუდენტები და სხვა ბენეფიციარები და მათი ჩართულობა დაეფუძნოს ინსტიტუციის კურსის განსაზღვრისას მდგრადი პროგრესის მიღწევის კონტექსტს.

უნივერსიტეტს გაზრებული აქვს რომ  თანმიმდევრული და პროგნოზირებადი შედეგები მიიღწევა უფრო ეფექტურად და ეფექტიანად, როდესაც საქმიანობა გაგებულია როგორც ურთიერთდაკავშირებული პროცესები და   იმართება  როგორც თანმიმდევრული სისტემა.

EEU-ში ყურადღება გამახვილებულია გაუმჯობესებაზე, პროგრესის დამადასტურებელი მტკიცებულების შექმნაზე, რათა მიღწეულ იქნას მდგრადი წარმატება.

EEU-ში გადაწყვეტილებები დაფუძნებულია ანალიზზე, ინფორმაციის და მონაცემების შეფასების შედეგებზე.

მდგრადი წარმატების მისაღწევად, EEU განსაკუთრებულად ზრუნავს   დაინტერესებულ მხარეებთან ურთიერთობების ეფექტიანობაზე. რადგან მხოლოდ მათთან  თანმიმდევრული ურთიერთობით ხედავს უნივერსიტეტის მიზნებისა და ამოცანების რეალიზებას, საგანმანათლებლო სივრცეში წარმატებულ პოზიციონირებას.

EEU-ს აქვს კორპორატიული სოციალური პასუხისმგებლობის პოლიტიკა და უზრუნველყოფს მის იმპლემენტაციას.

EEU არის ინკლუზიური, მოქნილი, გამჭვირვალე და ანგარიშვალდებული ინსტიტუცია, რომელიც ახდენს იდივიდუალური და სპეციალური საჭიროების, ინტერესების გათვალისწინებას, ამასთანავე ქმნის ახალ  შესაძლებლობებს ხელმისაწვდმობის გასაზრდელად და თანასწორობის მხარდასაჭერად.

ეთიკური ქცევა არის EEU-ს  შესაძლებლობა შექმნას ეთიკური პროფესიული გარემო: სადაც ყველა დაინტერესებული მხარე იმუშავებს სამართლიანობისა და კეთილსინდისიერების ფარგლებში, თავიდან არის აცილებული  ინტერესთა კონფლიქტი და თითოეული წევრის საქმიანობა დაფუძნებულია  უნივერისიტეტისათვის სარგებლიანობის კონტექსტს.

EEU აღიარებს ეროვნულ და საერთაშორისო რეგულაციებს  მონაცემთა უსაფრთხოებისა და დაცვის უზრუნველსაყოფად და ქმნის  გარემოს, სადაც ყველა დაინტერესებულ მხარეს შეუძლია თანამშრომლობა  სრული დარწმუნებით, რომ მათ შეუძლიათ საკუთარი მონაცემების გამოყენების კონტროლი, ხოლო EEU განიხილავს  მათ მონაცემებს სათანადო სიფრთხილით და კონფიდენციალურობის დაცვით.