საჯარო ლექცია: „როგორ მუშაობს დეზინფორმაცია: თანამედროვე რუსეთის ამბავი“

აღმოსავლეთ ევროპის უნივერსიტეტის (EEU) ორგანიზებით 29 მაისს, 13:00 საათზე, სტუდენტებისა და თანამშრომლებისათვის, EEU-ს საკონფერენციო დარბაზში გაიმართება პოლონეთსა და ცენტრალურ-აღმოსავლეთ ევროპაში  ცნობილი მკვლევრების საჯარო ლექცია: „როგორ მუშაობს დეზინფორმაცია: თანამედროვე რუსეთის ამბავი“.

სპიკერები:

• კშიშტოფ კოზლოვსკი –  ვარშავის ეკონომიკის სკოლის (SGH) ვიცე-რექტორი სასწავლო და სტუდენტურ საკითხებში, საერთაშორისო კვლევების ინსტიტუტის (SGH) ხელმძღვანელი. ის ახორციელებს კვლევებს პოლიტიკურ თეორიაზე, მეცნიერებათა მეთოდოლოგიასა და თამაშების თეორიაზე. კშიშტოფ კოზლოვსკი არის მრავალი პუბლიკაციის ავტორი ცენტრალური და აღმოსავლეთ აზიის შესახებ;
• ფილიპ ბრიიკა – საერთაშორისო უსაფრთხოების პროგრამის ანალიტიკოსი, პოლონეთის მეცნიერებათა აკადემიის პოლიტიკური კვლევების ინსტიტუტის ასისტენტ-პროფესორი. ის არის ნატოს საჯარო დიპლომატიის სამმართველოს კვლევითი გრანტებით დაფინანსებული დეზინფორმაციის წინააღმდეგ ბრძოლის საერთაშორისო პროექტების მონაწილე. მისი საექსპერტო სფერო მოიცავს ჰიბრიდულ საფრთხეებს და ნატო/ევროკავშირის კრიზისებზე რეაგირების ოპერაციებს.

მოდერატორი:

• გრიგოლ ჯულუხიძე –  EEU-ს ასოცირებული პროფესორი, საერთაშორისო ურთიერთობების დოქტორი,ანალიტიკური ცენტრის ,,საგარეო პოლიტიკის საბჭოს’’ დამფუძნებელი და დირექტორი, პოლონეთის პარლამენტის  ვიშეგრადის ჯგუფის სახელმწიფოთა ანალიტიკოსი, მისი კვლევის სფეროს წარმოადგენს ვიშეგრადის სახელმწიფოების პოლიტიკური სისტემებისა და რუსული პროპაგანდის მიმართულება.

აღმოსავლეთ ევროპის უნივერსიტეტში მოწვეული სტუმრები საჯარო ლექციის მიმდინარეობისას განიხილავენ იმ ელემენტებს, რომლებიც რუსეთის ფედერაციის საინფორმაციო ომის განუყოფელი ნაწილია: როგორ მუშაობს რუსული პროპაგანდა და რა მიზნებს ისახავს კრემლის დეზინფორმაციული კამპანია.

შეხვედრის ფარგლებში ასევე განხორციელდება წიგნის, „დეზინფორმაციის საწინააღმდეგო პლატფორმა” პრეზენტაცია.

საჯარო ლექციის ბოლოს კი გაიმართება შემაჯამებელი დისკუსია.

შეხვედრის სამიზნე ჯგუფი: აღმოსავლეთ ევროპის უნივერსიტეტის სტუდენტები და თანამშრომლები

სამუშაო ენა: ინგლისური

შეხვედრის განხორციელების განრიგი: 29.05.2023, 13:00 საათი

ფორმატი და ადგილი: პირისპირ, აღმოსავლეთ ევროპის უნივერსიტეტი, საკონფერენციო დარბაზი – 401