ხელმისაწვდომობაზე მიმართული სერვისები

სტუდენტთა ინდივიდუალური საჭიროებების გათვალისწინებით, უნივერსიტეტი უზრუნველყოფს ინდივიდუალური სასწავლო გეგმის (ISG) შემუშავებას.

ინდივიდუალური სასწავლო გეგმა შეიძლება შემუშავდეს შემდეგი კატეგორიის სტუდენტებისთვის:

• სპეციალური საგანმანათლებლო საჭიროებების მქონე სტუდენტები;

• ეთნიკური უმცირესობების წარმომადგენლები;

• ერთიანი ეროვნული ან საერთო სამაგისტრო გამოცდების გარეშე ჩარიცხული სტუდენტები;

• გაცვლით პროგრამებში მონაწილე სტუდენტები;

• მობილობით ან შიდა მობილობით გადმოსული სტუდენტები;

• აკადემიური ჩამორჩენილობის მქონე სტუდენტები;

• განსაკუთრებული აკადემიური მიღწევების მქონე სტუდენტები.

• მსჯავრდებულები

ინდივიდუალური სასწავლო გეგმა უზრუნველყოფს სასწავლო პროცესის მოქნილ დაგეგმვასა და სტუდენტზე მორგებულ აკადემიურ მხარდაჭერას.

,,ინდივიდუალური სასწავლო გეგმის შემუშავების წესი” შეგიძლიათ იხილოთ ბმულზე:
https://eeu.edu.ge/wp-content/uploads/2024/04/ISG.pdf

აღმოსავლეთ ევროპის უნივერსიტეტი უზრუნველყოფს ფიზიკურად ხელმისაწვდომ გარემოს, რომელიც ადაპტირებულია შეზღუდული შესაძლებლობების მქონე პირებისთვის.

უნივერსიტეტის ინფრასტრუქტურა მოიცავს:

• პანდუსებსა და ადაპტირებულ შესასვლელებს;

• ლიფტებს უნივერსიტეტის შენობებში გადაადგილების გასამარტივებლად;

• ადაპტირებულ სველ წერტილებს;

• სპეციალურად გამოყოფილ პარკირების ადგილებს;

• ფიზიკური სივრცეების ეტაპობრივ გაუმჯობესებას უნივერსალური დიზაინის პრინციპების შესაბამისად.

უნივერსიტეტი ეტაპობრივად ახორციელებს ინფრასტრუქტურის გაუმჯობესებას, რათა ხელმისაწვდომი სივრცეების მაჩვენებელი გაიზარდოს და სრულად ინკლუზიური გარემო ჩამოყალიბდეს.

დეტალები იხ. ბმულზე: https://eeu.edu.ge/portfolio/infrastructure/

კამპუსის რუკა იხ. ბმულზე: …

უნივერსიტეტი უზრუნველყოფს სხვადასხვა დამხმარე ტექნოლოგიასა და ციფრულ სერვისს, რაც ხელს უწყობს სტუდენტებისთვის სასწავლო რესურსებზე და უნივერსიტეტის სერვისებზე ხელმისაწვდომობას.

მათ შორის:

• ეკრანის გადიდების პროგრამები (მაგ. ZoomText ტიპის პროგრამები);

• ხმის გამაძლიერებელი მოწყობილობები;

• სუბტიტრების ფუნქცია ონლაინ პლატფორმებში;

• ციფრული ხელმოწერის სერვისი;

• უნივერსიტეტის ელექტრონული სასწავლო პლატფორმა.

ეს ტექნოლოგიური მხარდაჭერა სტუდენტებს საშუალებას აძლევს მიიღონ სასწავლო რესურსები და უნივერსიტეტის სერვისები მოქნილი და ხელმისაწვდომი ფორმით.

უნივერსიტეტი უზრუნველყოფს დისტანციურად ხელმისაწვდომ სხვადასხვა სერვისს, რაც სტუდენტებს საშუალებას აძლევს მიიღონ მხარდაჭერა უნივერსიტეტის სივრცეში ყოფნის გარეშე.

დისტანციური სერვისები მოიცავს:

• აკადემიურ და ადმინისტრაციულ ონლაინ კონსულტაციებს;

• სტუდენტური სერვისების დისტანციურ მომსახურებას;

• ტრენინგებსა და ვორქშოპებს ონლაინ ფორმატში;

• საჯარო ლექციებს, კონფერენციებსა და საუნივერსიტეტო ღონისძიებებს, რომლებიც ხშირად ტარდება ჰიბრიდულ ფორმატში.

უნივერსიტეტი აქტიურად იყენებს Microsoft Teams-ისა და Zoom-ის პლატფორმებს, EEU-EL სასწავლო პროცესის მართვის სისტემას, რაც უზრუნველყოფს კომუნიკაციის, თანამშრომლობისა და უნივერსიტეტის სერვისებზე მოქნილ წვდომას.

უნივერსიტეტში ფუნქციონირებს სასწავლო პროცესის მართვის ელექტრონული სისტემა EEU-EL, რომელიც სტუდენტებს აძლევს შესაძლებლობას:

• მიიღონ სასწავლო მასალები და რესურსები;

• ინდივიდუალური გამოცდის პირობები;

• მიიღონ ინფორმაცია სასწავლო პროცესის შესახებ;

• დაუკავშირდნენ აკადემიურ პერსონალს;

• მიიღონ უნივერსიტეტის ადმინისტრაციული მომსახურება დისტანციურად.

აღმოსავლეთ ევროპის უნივერსიტეტი არის Microsoft-ის ოფიციალური პარტნიორი და დისტანციური სწავლების პროგრამას Office 365 A1 ლიცენზირების ფარგლებში იყენებს.

 უნივერსიტეტში ასევე ფუნქციონირებს ელექტრონული სწავლების განვითარებისა და ტექნიკური მხარდაჭერის ჯგუფი, რომელიც უზრუნველყოფს:

• სტუდენტებისა და პერსონალისთვის ტრენინგებსა და კონსულტაციებს;

• ვიდეოგზამკვლევებისა და ინსტრუქციების მომზადებას;

• ტექნიკურ მხარდაჭერას;

• ციფრული სასწავლო რესურსებისა და ონლაინ სერვისების განვითარებას.