ხარისხის უზრუნველყოფის სამსახური არის უნივერსიტეტის მმართველი ორგანო და უზრუნველყოფს აღმოსავლეთ ევროპის უნივერსიტეტის საქმიანობის ხარისხის შეფასებასა და განვითარებას. სამსახურის მიზანია ეროვნულ (ავტორიზაციისა და აკრედიტაციის) და საერთაშორისო (Standards and Guidelines for Quality Assurance in the European Higher Education Area) სტანდარტებზე დაფუძნებით უზრუნველყოს შიდა ხარისხის უზრუნველყოფის მექანიზმების უწყვეტად და სისტემურად გამოყენების პროცესების ადმინისტრირება და განვითარება. სამსახური ახდენს უნივერსიტეტში ხარისხის უზრუნველყოფის სისტემისა და მექანიზმების დანერგვას უნივერსიტეტის საქმიანობის ყველა მიმართულებით: სწავლა-სწავლება, კვლევა, მართვა, ინტერნაციონალიზაცია, სერვისები, რესურსები, საზოგადოებრივი კონტრიბუცია.
სამსახური უზრუნველყოფს შიდა ხარისხის უზრუნველყოფის მექანიზმების იმპლემენტაციისთვის უნივერსიტეტის საქმიანობის შვიდი ძირითადი პროცესის შეფასების ადმინისტრირებას/კოორდინირებას:
- საგანმანათლებლო პროგრამებისა და სწავლა-სწავლების ხარისხის შეფასება ;
- საერთაშორისო თანამშრომლობისა და ინტერნაციონალიზაციის შეფასება;
- პროგრამის განმახორციელებელი (აკადემიური, მოწვეული) და ადმინისტრაციული /დამხმარე პერსონალის შეფასება;
- კვლევითი საქმიანობის შეფასება;
- სერვისების შეფასება;
- რესურსების შეფასება;
- ორგანიზაციული მართვის ეფექტიანობისა და უნივერსიტეტის მიერ საზოგადოების განვითარებაში შეტანილი წვლილის შეფასება.