13-14 ოქტომბერს აღმოსავლეთ ევროპის უნივერსიტეტმა უმასპინძლა მეცნიერებისა და ტექნოლოგიების ევროპული თანამშრომლობის ასოციაციის (COST) პროექტის – „ქალები მოძრაობაში“ მონაწილეებს. აღნიშნულ პროექტში საქართველოს მხარეს წარმოადგენენ აღმოსავლეთ ევროპის უნივერსიტეტის მიგრაციისა და დიასპორის კვლევითი ცენტრის დირექტორი ლელა გოგინავა და ამავე ცენტრის მკვლევარი, დოქტორი ტატიანა სიჭინავა.
13 ოქტომბერს, მთავარი მომხსენებლის სტატუსით ცენტრის დირექტორმა, ლელა გოგინავამ მოხსენება გააკეთა თემაზე: „ქალები ქართული პოლიტიკური ემიგრაციიდან და მათი საქმიანობა დევნილობის პერიოდში“. 14 ოქტომბერს მთავარ მომხსენებლად მოწვეული იყო საქართველოში იაპონიის საელჩოს წარმომადგენელი, განვითარების საკითხების მკვლევარი მერი (მეკო) ჩაჩავა, რომელმაც წარმოადგინა მოხსენება თემაზე: „სოციო-ეკონომიკური სტაბილურობა შრომითი მიგრანტი ქართველი ქალებისთვის“.
შეხვედრაში მონაწილეობა მიიღეს საფრანგეთის, ფინეთის, თურქეთის, უკრაინის, ისლანდიის, მაკედონიის, პოლონეთის, ბულგარეთის, კანადის, ირლანდიის უნივერსიტეტებსა და კვლევითი ცენტრების მკვლევარებმა.