ბიზნესის ადმინისტრირება

ბიზნესის ადმინისტრირების სადოქტორო პროგრამაზე ჩარიცხვის უფლება აქვს პირს, რომელსაც აქვს:

• ეკონომიკის ან ბიზნესის ადმინისტრირების მაგისტრს ან მასთან გათანაბრებული აკადემიური ხარისხი. ასევე, პროგრამაზე ჩაბარება შეუძლია პირს, რომელსაც გააჩნია მაგისტრის ხარისხი ნებისმიერ სპეციალობაში და აქვს ბიზნესის მართვის გამოცდილება – არანაკლებ 3 წელი.
• შესაბამის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2-წლიანი გამოცდილება, რომლითაც დადასტურდება კანდიდატის კვლევითი უნარები.
• ჩააბარებს შიდა საუნივერსიტეტო გამოცდებს, რომელიც მოიცავს: 1) ტესტირება ინგლისურ ენაში (B2 დონე, მინიმუმი ბარიერი – 60 ქულა), 2) სადოქტორო კვლევით განაცხადის წარდგენასა და 3) ზეპირი გამოცდას დარგობრივ კომისიასთან.

შენიშვნა: დოქტორანტობის კანდიდატი თავისუფლდება ინგლისური ენის შიდასაუნივერსიტეტო გამოცდისაგან, თუ წარმოადგენს ინგლისური ენის არანაკლებ B2 დონის ცოდნის დამადასტურებელ საერთაშორისო სერტიფიკატს ან შეფასებისა და გამოცდების ეროვნული ცენტრის მიერ გაცემულ შესაბამის  ვალიდურ სერტიფიკატს (CERTUS) ან ბოლო 2 წლის განმავლობაში ინგლისურენოვანი აკადემიური საგანმანათლებლო პროგრამის (საბაკალავრო, სამაგისტრო და სხვა) დასრულების დამადასტურებელ დიპლომს.

სამეცნიერო ხელმძღვანელების და მათი კვლევის ინტერესის სფეროების შესახებ ინფორმაცია იხ. ბმულზე: https://eeu.edu.ge/portfolio/dba/dba2026supervisors/

• თანამედროვე მოთხოვნების შესაბამისად აგებული პროგრამის სტრუქტურა, სადაც ოპტიმალურად არის შერწყმული სასწავლო და სამეცნიერო-კვლევითი კომპონენტი;
• სწავლებისა და კვლევის უმდიდრესი გამოცდილების მქონე უმაღლესი კვალიფიკაციის პროფესორები, მეცნიერები, მკვლევრები;
• სამეცნიერო კვლევის უმაღლესი სტანდარტი, დოქტორანტის დარგობრივი და მეთოდოლოგიური დახელოვნება;
• დოქტორანტის სამეცნიერო-კვლევითი უნარების ჩამოყალიბება, მისი მომზადება მომავალი სამეცნიერო და პედაგოგიური საქმიანობისათვის;
• სტუდენტთა კვლევითი საქმიანობის მოტივაციის მხარ­დაჭერის მიზ­ნით, უნივერსიტეტის ბიუჯეტიდან ფინანსური უზრუნველყოფის მექანიზმები;
• თავისუფალი წვდომა უახლეს დარგობრივ სამეცნიერო პერიოდულ გამოცემებზე ელექტრონული და მატერიალური ფორმით, საერთაშორისო ელექტრონული საბიბლიოთეკო ბაზებზე;
• სტუდენტის პროფესიული განვითარებისათვის სეზონური სკოლები, სემინარები და სპეციალური კურსები საუნივერსიტეტო დაფინანსებით;
• გაცვლითი პროგრამები ევროპის წამყვან უნივერსიტეტებში;
• სამეცნიერო-კვლევითი ნაშრომების, პუბლიკაციების უნივერსიტეტის სამეცნიერო შრომების კრებულში გამოქვეყნების შესაძლებლობა, საერთაშორისო სამეცნიერო-პრაქტიკულ კონფერენციებში მონაწილეობის და მაღალრეიტინგულ სამეცნიერო გამოცემებში ნაშრომების გამოქვეყნების შესაძლებლობა.

2026-2027 სასწავლო წლის შემოდგომის სემესტრიდან პროგრამაზე მიღების/რეგისტრაციის დეტალები იხ. ბმულზე: https://eeu.edu.ge/portfolio/phd-dba-2026/