ბიზნესის ადმინისტრირების სადოქტორო პროგრამაზე სწავლის გაგრძელების მსურველთა საყურადღებოდ!

პროგრამის ხელმლძღვანელი: პროფესორი შალვა მაჭავარიანი, პროფესორი ლალი ჩაგელიშვილი-აგლაძე

პროგრამის ხანგრძლივობა: 3 წელი

მისანიჭებელი კვალიფიკაცია: ბიზნესის ადმინისტრირების დოქტორი/Doctor of Business Administration

პროგრამის სტატუსი: აკრედიტებული

სწავლის საფასური: 7000 ლარი (ერთი წელი)

სწავლების ენა: ქართული

ბიზნესის ადმინისტრირების სადოქტორო პროგრამაზე ჩარიცხვის უფლება აქვს პირს, რომელსაც აქვს:

• ეკონომიკის ან ბიზნესის ადმინისტრირების მაგისტრს ან მასთან გათანაბრებული აკადემიური ხარისხი. ასევე, პროგრამაზე ჩაბარება შეუძლია პირს, რომელსაც გააჩნია მაგისტრის ხარისხი ნებისმიერ სპეციალობაში და აქვს ბიზნესის მართვის გამოცდილება – არანაკლებ 3 წელი.
• შესაბამის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2-წლიანი გამოცდილება, რომლითაც დადასტურდება კანდიდატის კვლევითი უნარები.
• ჩააბარებს შიდა საუნივერსიტეტო გამოცდებს, რომელიც მოიცავს: 1) ტესტირება ინგლისურ ენაში (B2 დონე, მინიმუმი ბარიერი – 60 ქულა), 2) სადოქტორო კვლევით განაცხადის წარდგენასა და 3) ზეპირი გამოცდას დარგობრივ კომისიასთან.

შენიშვნა: დოქტორანტობის კანდიდატი თავისუფლდება ინგლისური ენის შიდასაუნივერსიტეტო გამოცდისაგან, თუ წარმოადგენს ინგლისური ენის არანაკლებ B2 დონის ცოდნის დამადასტურებელ საერთაშორისო სერტიფიკატს ან შეფასებისა და გამოცდების ეროვნული ცენტრის მიერ გაცემულ შესაბამის  ვალიდურ სერტიფიკატს (CERTUS) ან ბოლო 2 წლის განმავლობაში ინგლისურენოვანი აკადემიური საგანმანათლებლო პროგრამის (საბაკალავრო, სამაგისტრო და სხვა) დასრულების დამადასტურებელ დიპლომს.

ვაკანტური ადგილების რაოდენობა – 4;

მნიშვნელოვანი თარიღები:

• დოკუმენტაციის მიღება – 1-14 სექტემბერი;
• ტესტირება ინგლისურ ენაში – 16 სექტემბერი;
• ინგლისური ენის გამოცდის შედეგების გამოცხადება – 18 სექტემბერი;
• ინგლისური ენის გამოცდის შედეგების აპელაციაზე განაცხადების მიღება – 18-19 სექტემბერი (შედეგების გამოქვეყნებიდან მომდევნო 24 საათის განმავლობაში);
• ინგლისური ენის გამოცდის აპელაციის შედეგები – 21 სექტემბერი;
• სადოქტორო კვლევითი განაცხადის შეფასების შედეგები  – 23 სექტემბერი
• სადოქტორო კვლევითი განაცხადის შეფასების შედეგებთან დაკავშირებით საპრეტენზიო განაცხადის მიღება – 23-24 სექტემბერი (შედეგების გამოქვეყნებიდან 24 საათის განმავლობაში) და აპელაციის შედეგები – 24 სექტემბერი;
• ზეპირი გამოცდა (გასაუბრება) დარგობრივ კომისიასთან – 25-26 სექტემბერი;
• კვლევითი უნარების შეფასების შედეგების გამოცხადება – 28 სექტემბერი;
• კვლევითი უნარების შეფასების შედეგების აპელაციაზე განაცხადების მიღება – 28-29 სექტემბერი (შედეგების გამოქვეყნებიდან მომდევნო 24 საათის განმავლობაში);
• კვლევითი უნარების შეფასების აპელაციის შედეგები – 1 ოქტომბერი;
• კვლევითი უნარების შეფასების საბოლოო შედეგები და ჩარიცხვის კანდიდატთა სია – 1 ოქტომბერი;
• ხელშეკრულებების გაფორმება – 2-5 ოქტომბერი.

დოკუმენტაციის მიღება იწარმოებს  ელექტრონულად 1 სექტემბრიდან 14 სექტემბრის ჩათვლით: https://reg.eeu-el.ge/register 

დოქტორანტობის კანდიდატმა ელექტრონულ პორტალზე უნდა ატვირთოს შემდეგი დოკუმენტაცია: 

• პირადობის დამადასტურებელი მოწმობის/პასპორტის ასლი (უცხო ქვეყნის მოქალაქის შემთხვევაში ქართულად ნათარგმნი);
• ეკონომიკის ან ბიზნესის ადმინისტრირების მაგისტრის ან მასთან გათანაბრებული აკადემიური ხარისხის დამადასტურებელი დიპლომი/ცნობა აკადემიური ხარისხის მინიჭების შესახებ
• ერთსაფეხურიანი, ხუთწლიანი, უმაღლესი განათლების დამადასტურებელი დოკუმენტის წარმოდგენის შემთხვევაში მაგისტრის აკადემიურ ხარისხთან გათანაბრების დამადასტურებელი დოკუმენტი (სსიპ-განათლების ხარისხის განვითარების ეროვნული ცენტრის მიერ გაცემული);
• უცხო ქვეყანაში მიღებული განათლების აღიარების დამადასტურებელი დოკუმენტის ნოტარიულად დამოწმებული ასლი (ასეთის არსებობის შემთხვევაში);
• ფოტოსურათი (3X4);
• სამხედრო აღრიცხვაზე ყოფნის დამადასტურებელი დოკუმენტი/სამხედრო ბილეთი (მხოლოდ სამხედრო აღრიცხვას დაქვემდებარებული საქართველოს მოქალაქეებისთვის);
• ავტობიოგრაფია (CV, ქართულ და ინგლისურ ენებზე), რომელიც ასახავს მონაცემებს აპლიკანტის განათლებისა და შრომითი საქმიანობის შესახებ (სამეცნიერო პუბლიკაციებისა და კონფერენციებში მონაწილეობის მითითების შემთხვევაში, სადოქტორო პროგრამაზე ჩარიცხვის მსურველმა უნდა წარმოადგინოს აღნიშნული მასალების ასლებიც);
• შესაბამის სფეროში წინარე ნაშრომი/პუბლიკაცია ან/და სამეცნიერო-კვლევით პროექტებსა და ღონისძიებებში მონაწილეობა ან/და შესაბამის სფეროში მუშაობის არანაკლებ 2 წლიანი გამოცდილების დამდასტურებელი დოკუმენტი, რომლითაც დადასტურდება კანდიდატის კვლევითი უნარები.

• სადოქტორო კვლევითი განაცხადი, რომელშიც აპლიკანტმა უნდა აღწეროს: პროგრამაზე სწავლის გაგრძელების მოტივაცია, საკვლევი თემის/პრობლემის აქტუალურობა, ლიტერატურის მიმოხილვა, კვლევის მიზანი და ამოცანები, კვლევის სავარაუდო კითხვები/ჰიპოთეზები, კვლევის მეთოდოლოგია, ნაშრომის სავარაუდო სტრუქტურა, კვლევის მოსალოდნელი შედეგები (იხ. ბმულზე)
•  ბიზნესის მართვის სფეროში არანაკლებ 3-წლიანი სამუშაო გამოცდილების დამადასტურებელი ცნობა (სავალდებულოა კანდიდატისთვის, რომელსაც არ გააჩნია ეკონომიკის ან ბიზნესის ადმინისტრირების მაგისტრის ხარისხი);
• ინგლისური ენის არანაკლებ B2 დონის ცოდნის დამადასტურებელი საერთაშორისო სერტიფიკატი ან შეფასებისა და გამოცდების ეროვნული ცენტრის მიერ გაცემული შესაბამისი ვალიდური სერტიფიკატი ან ბოლო 2 წლის განმავლობაში ინგლისურენოვანი აკადემიური საგანმანათლებლო პროგრამის (საბაკალავრო, სამაგისტრო და სხვა) დასრულების დამადასტურებელი დიპლომი (ასეთის არსებობის შემთხვევაში);

• B2 დონის ინგლისური ენის ტესტის ნიმუში და პასუხები  (მინ. კომპეტენციის ზღვარი 60)
• სადოქტორო კვლევით განაცხადისა და დარგობრივ კომისიასთან გამოცდის (გასაუბრების) შეფასების კრიტერიუმები 

მისამართი: ი. ენუქიძის ქუჩა N6 (დავით აღმაშენებლის ხეივანთან 200 მეტრში, აშშ-ს საელჩოს მიმდებარედ);

საკონტაქტო ტელეფონი:  (032) 248 01 41;