აღმოსავლეთ ევროპის უნივერსიტეტის (EEU) სახელმწიფოსა და სამართლის სამეცნიერო კვლევითი ცენტრის, საქართველოს პერსონალურ მონაცემთა დაცვის ოფიცერთა ასოციაციისა და Data Protection Officer LLC/შპს მონაცემთა დაცვის ოფიცრის ერთობლივი ორგანიზებით, 2025 წლის 15-16 მარტს EEU-ში პერსონალურ მონაცემთა დაცვის ოფიცრის პრაქტიკული კურსი განხორციელდა.
კურსის ფარგლებში მონაწილეები გაეცნენ შემდეგ საკითხებს:
- პერსონალურ მონაცემთა დაცვის სფეროში ორგანიზაციის აუდიტის თავისებურებები;
- ინფრასტრუქტურის შესწავლისა და ინტერვიუს ჩატარების თავისებურებები;
- აუდიტის დასკვნის მომზადება;
- პერსონალის გადამზადება/პერსონალური მონაცემების პროცესის მართვის დიგიტალიზაცია.
კურსი მოიცავდა პრაქტიკული დავალებების კომპონენტსაც. მონაწილეებმა მოამზადეს აუდიტის დასკვნა და წარადგინეს მისი პრეზენტაცია.
კურსს უძღვებოდნენ:
ზურაბ აზნაურაშვილი – საჯარო მმართველობის დოქტორი, პროფესორი, საქართველოს პერსონალურ მონაცემთა დაცვის ოფიცერთა ასოციაციის დამფუძნებელი, შპს ნექსია საქართველოს პერსონალურ მონაცემთა დაცვის მიმართულების ხელმძღვანელი.
ნიკა ასვანუა – საჯარო მმართველობის დოქტორი, პროფესორი, საქართველოს პერსონალურ მონაცემთა დაცვის ოფიცერთა ასოციაციის დამფუძნებელი, შპს მონაცემთა დაცვის ოფიცრის დირექტორი.
პერსონალურ მონაცემთა დაცვის ოფიცრის პრაქტიკულ კურსის ფარგლებში აღმოსავლეთ ევროპის უნივერსიტეტის (EEU) თანამშრომლებიც გადამზადდნენ.
კურსის დასრულების შემდეგ, მონაწილეებს გადაეცათ სერტიფიკატი.
