29 დეკემბერს, EEU-ს საკონფერენციო დარბაზში გაიმართა EEU MOVIE CLUB-ის კინოჩვენება.
აღმოსავლეთ ევროპის უნივერსიტეტში შექმნილი აღნიშნული არაფორმალური კლუბი პერიოდულად მართავს ღონისძიებებს უცხო ენის ცოდნის გაუმჯობესების, ინგლისურ ენაზე მოსმენისა და საუბრის უნარების განვითარების მიზნით.
EEU MOVIE CLUB-ის მიერ გამართული კინოჩვენების ფარგლებში საშობაო და საახალწლო განწყობის ასამაღლებლად უნივერსიტეტის ადმინისტრაციულმა პერსონალმა ნახა ჩარლზ დიკენსის მსოფლიოში ყველაზე პოპულარულ საშობაო კლასიკურ ნაწარმოებზე ,,საშობაო სიმღერა” (Christmas Carol) 2022 წელს შექმნილი ანიმაციური ფილმი. ის სიკეთის მნიშვნელობაზე, მორალზე და ახალი წლის სიყვარულზეა. ეს არის საშობაო ისტორიის მუსიკალური ადაპტაცია, ეგოისტი და ძუნწი ებენეზერ სკრუჯის შესახებ, რომელიც ცივ შობის ღამეს მარტო აღმოჩნდება სახლში, რათა თავის წარსულს გადახედოს და შეცვალოს საკუთარი მომავალი, სანამ დრო ამოიწურება.
კინოჩვენებაზე მისულ სტუმრებს კლუბი გაუმასპინძლდა პოპკორნითა და საახალწლო ტკბილეულით.
კინოჩვენების ბოლოს გაიმართა დისკუსია.