ევროპული კვირეულის ფარგლებში (EHEW 2025) საერთაშორისო სამეცნიერო კონფერენცია: „განათლება – კეთილდღეობის კატალიზატორი“ აღმოსავლეთ ევროპის უნივერსიტეტში სსიპ-განათლების ხარისხის განვითარების ეროვნული ცენტრის თანაორგანიზატორობით ჩატარდა, რომელიც სამი სამუშაო დღის მანძილზე მიმდინარეობდა.
კონფერენციის მიზანს წარმოადგენდა განათლების, როგორც პიროვნული და საზოგადოებრივი კეთილდღეობის მამოძრავებელი ძალის განხილვა და ამ სფეროში უნივერსიტეტების როლის პრიორიტიზება, კეთილდღეობასთან დაკავშირებული გამოწვევების იდენტიფიცირება და გადაჭრის გზების ძიება;
კონფერენციის გახსნის ღონისძიებას დაესწრნენ და მონაწილეებს მიესალმნენ განათლების, მეცნიერებისა და ახალგაზრდობის სამინისტროსა და პარალმენტის განათლების, მეცნიერებისა და ახალგაზრდობის კომიტეტის ხელმძღვანელი პირები, სსიპ-განათლების ხარისხის განვითრების ეროვნული ცენტრის წარმომადგენლები, განათლების მკვლევარები, მეცნიერები, ექპერტები, სხვადასხვა უმაღლესი განათლების დაწესებულებების წარმომადგენლები, კონფერენციის მონაწილეები საერთაშორისო ქვეყნებიდან და მოწვეული სტუმრები.
კონფერენციის მხარდაჭერა გამოხატეს და მონაწილეებს მიესალმნენ განათლების ცნობილი საერთაშორისო ორგანიზაციები, ევროპის უნივერსიტეტების ასოციაციის (EUA) პრეზიდენტი, ჟოზეფ გარელი; დიდი ბრიტანეთის უმაღლესი განათლების აკადემიის (Advance HE) საერთაშორისო დირექტორი დევიდ თოუვნჰილი;
კონფერენციის მეორე დღეს მონაწილეებს მისასალმებელი სიტყვით მიმართა EEU-ს რექტორმა, კახაბერ ლაზარაშვილმა, სსიპ – განათლების ხარისხის განვითარების ეროვნული ცენტრის დირექტორის მ/შემსრულებელმა ლაშა მარგიშვილმა და უმაღლესი განათლების ხარისხის უზრუნველყოფის სამსახურის უფროსმა, დავით კუხალაშვილმა. მისასალმებელი სიტყვით ასევე მიმართეს პროფ. მაურიციო ტირამ (EUA), პროფ. ჟან ჰოლმა (ADVANCE-HE), პროფ. ივო შაფერმა (აშაფენბურგის უნივერსიტეტი, გერმანია)
პლანარული სესია გახსნა კონფერენციის აკადემიური კომიტეტის თავმჯდომარემ, პროფესორმა დავით ჩერქეზიშვილმა
პლენარულ სესიაზე წარდგენილ იქნა პრეზენტაციები მთავარი მომხსენებლების მიერ:
- ემერიტუსი პროფ. პოლ გიბსი (მიდლსექსის უნივერსიტეტი, დიდი ბრიტანეთი)
- პროფ. ანჯელა სქოლანი, პროფ. ნიკი სპაულსი (მიდლსექსის უნივერსიტეტი, დიდი ბრიტანეთი)
- მანუელ ლილო-კრესპო (ალიკანტეს უნივერსიტეტი, ესპანეთი)
- სესია 1: კეთილდღეობა, ხარისხი და ინტერნაციონალიზაცია განათლებაში (მოდერატორები: კახაბერ ლაზარაშვილი, პოლ გიბსი)
- სესია 2: ხელოვნური ინტელექტი (AI), ციფრული ტრანსფორმაცია და ინოვაცია; (მოდერატორები: მარიამ ლაშხი, დავით სიხარულიძე)
- სესია 3: სამართალი და საჯარო მმართველობა (მოდერატორები: ზვიად როგავა, შალვა კვინიხიძე)
კონფერენციაში მონაწილეობა აშშ-ის, გერმანიის, ბრიტანეთის, საფრანგეთის, იტალიის, ავსტრიის, ესპანეთის, რუმინეთის, საქართველოს და სხვა ქვეყნების წამყვანი უნივერსიტეტის 80-ზე მეტმა მკვლევარმა მიიღო.
კონფერენციის მესამე დღეს გაიმართა შემაჯამებელი დისკუსიები, თითოეულმა მონაწილემ შესაბამისი სერტიფიკატები და კონფერენციის კრებულები მიიღეს. შესაბამისი სერტიფიკატები კონფერენციის საორგანიზაციო კომიტეტისა და მხარდამჭერი ჯგუფის წევრებს გადაეცათ.
კონფერენცია დასრულდა საზეიმო გალა ვახშმით.
კონფერენციის კრებული გამოიცა ბეჭდური სახით (იხ. ბმულზე), ხოლო პუბლიკაციები გამოქვეყნდება საერთაშორისო მაღალრეიტინგულ ჟურნალში. კონფერენციის აკადემიური კომიტეტის წევრები არიან ევროპელი და ქართველი მეცნიერები და მკვლევარები.
კონფერენციის ვებგვერდი იხ. ბმულზე: https://eeu.edu.ge/ehew-2025-tbilisi/?lang=en
