აღმოსავლეთ ევროპის უნივერსიტეტმა გამოსცა EEU-ს ვარლამ ჩერქეზიშვილის სახელობის ინტერდისციპლინური კვლევების ცენტრის ხელმძღვანელის, ფილოსოფიის პროფესორის გიორგი თავაძის მიერ შედგენილი კრებული ,,რელიგია და მეცნიერება: დიალოგი, კონფლიქტი თუ იზოლაცია?“
კრებულში შესული სტატიები რელიგიისა და მეცნიერების ურთიერთმიმართებას განსხვავებული პერსპექტივების ჭრილში განიხილავენ (ფიზიკა და რელიგია, ბიოლოგია და რელიგია, კულტურის ანთროპოლოგია და რელიგია და ა.შ.). კრებული საინტერესო იქნება როგორც საკითხით დაინტერესებული პირებისთვის, ასევე, მკითხველთა ფართო წრისთვისაც.
გიორგი თავაძის კვლევის სფეროებია: პოლიტიკისა და სამართლის ფილოსოფია, პოსტკოლონიური და პოსტ-ტოტალიტარული კვლევები, განათლების ფილოსოფია, პოლიტიკური სოციოლოგია, იდეების ისტორია, ფილოსოფიური გეოგრაფია, ადგილებისა და სივრცეების სოციოლოგია. მას ქართულად თარგმნილი აქვს ფრიდრიხ ნიცშეს, ჯონ დიუის, თომას პეინის, კარლ შმიტის, იმანუელ კანტის და სხვა მოაზროვნეთა ნაშრომები.
კრებულის ელექტრონული ვერსია იხილეთ: