შიდა კვლევები და შეფასებები
EEU-ს შიდა ხარისხის უზრუნველყოფის პროცესები ემსახურება უნივერსიტეტის საქმიანობის უწყვეტ შეფასებასა და განვითარებას.
შიდა ხარისხის უზრუნველყოფის პროცესების ფარგლებში გამოიყენება სისტემური და საჭიროებაზე დაფუძნებული კვლევები/შეფასებები, რომელთა შედეგებზე დაყრდნობით მიიღება გადაწყვეტილებები უნივერსიტეტის შემდგომი განვითარებისა და გაუმჯობესებისთვის.
სისტემური და საჭიროებაზე დაფუძნებული კვლევები/შეფასებები ხორციელდება თვისებრივი, რაოდენობრივი და შერეული მიდგომებით.
შიდა ხარისხის სისტემური კვლევები/შეფასებები წარმოადგენს უნივერსიტეტის ხარისხის უზრუნველყოფის მექანიზმების იმპლემენტაციისათვის აუცილებელ მექანიზმს, რომლის გამოყენებითაც ხდება: საგანმანათლებლო პროგრამების ხარისხის, სწავლა-სწავლების ხარისხის; სერვისების; მატერიალური, საბიბლიოთეკო, ინფორმაციული და ფინანსური რესურსების; პერსონალის (აკადემიური, მოწვეული, ადმინისტრაციული);საერთაშორისო თანამშრომლობისა და ინტერნაციონალიზაციის; კვლევითი საქმიანობის, ინსტიტუციურ დონეზე მიღწეული და საგანმანათლებლო სივრცეში პოზიციონირების შედეგების შეფასება განსაზღვრული პერიოდულობით. სისტემური კვლევების მეშვეობით ხდება ერთი და იმავე ჯგუფის, სფეროს, მიმართულების შესწავლა, დინამიკაზე დაკვირვება და განვითარების ტენდენციების განსაზღვრა.
საჭიროებაზე დაფუძნებული კვლევების/შეფასებების მეშვეობით ხდება კონკრეტული პრობლემის მიზნობრივი კვლევა, რაც იძლევა პრობლემის სიღრმისეული შესწავლისა და მასზე ორიენტირებული ზემოქმდების/ჩარევის განხორციელების შესაძლებლობას.
შიდა ხარისხის კვლევების/შეფასებების განხორცილებისათვის გამოიყენება როგორც თვისებრივი, ასევე რაოდენობრივი მეთოდები. რომელიც ხორციელდება წინასწარ განსაზღვრული ინსტრუმენტებით, ან კონკრეტული საჭიროებიდან გამომდინარე შემუშავებული მეთოდებით.