მკვლევარები

განთლების მეცნიერებების დოქტორი, ასოცირებული პროფესორი;
მიმართულება: განათლების მეცნიერებები;
განათლების მეცნიერებების ფაკულტეტის დეკანი ,  EEU

ქეთევან აფთარაშვილი – ასოცირებული პროფესორი, განთლების მეცნიერებების დოქტორი, აღმოსავლეთ ევროპის უნივერსიტეტის განათლების მეცნიერებების ფაკულტეტის დეკანი,  განათლების კვლევებისა და ადმინისტრირების სამაგისტრო, სკოლამდელი განათლების საბაკალავრო პროგრამების ხელმძღვანელი, სსიპ-განათლების ხარისხის განვითარების ეროვნული ცენტრის (NCEQE) უმაღლესი საგანმანათლებლო  დაწესებულებების ავტორიზაციისა და საგანმანათლებლო პროგრამების აკრედიტაციის ექსპერტი, უმაღლესი განათლების დარგობრივი საბჭოს წევრი;  2015 წლიდან სსიპ-შეფასებისა და გამოცდების ეროვნულ ცენტრში (NAEC) მიწვეული დაწყებითი საფეხურის მასწავლებელთა სასერტიფიკაციო გამოცდების ტესტების შემსწორებლად. სხვადასხვა პერიოდში ეწეოდა საქმიანობას უსდ-ში სასწავლო პროცესის მართვის სამსახურის, სწავლა-სწავლების კომიტეტის, ელექტრონული სწავლების განვითარებისა და მხარდაჭერის, განათლების დეპარტამენტის უფროსისა და სხვა წამყვან პოზიციებზე, ასევე აქვს ზოგადსაგანმანათლებლო სკოლაში მასწავლებლად მუშაობის გამოცდილება და მიღებული აქვს მასწავლებლის განათლების მაგისტრისა და ფილოლოგიის ბაკალავრის კვალიფიკაციები; 2013 წლიდან აქტიურად ეწევა პედაგოგიურ საქმიანობას აღმოსავლეთ ევროპის უნივერსიტეტსა და ივ. ჯავახიშვილის სახელობის თბილისის სახელმწიფო უნივერსიტეტში, სადაც განათლების მიმართულებით კითხულობს სასწავლო კურსებს სწავლების სამივე საფეხურზე, ქართულ და ინგლისურენოვან პროგრამებზე;

ქეთევან აფთარაშვილი ეწევა სამეცნიერო-კვლევით საქმიანობას და აქტიურად არის ჩართული კვლევით პროექტებში. ავტორია სამეცნიერო პუბლიკაციების განათლებისა და სწავლების საკითხებზე. არის აღმოსავლეთ ევროპის უნივერსიტეტის სამეცნიერო ჟურნალის ,,სამეცნიერო შრომების კრებული“ სარედაქციო კოლეგიის წევრი. პროფესიული განვითარების მიზნით მონაწილეობდა გაცვლით პროგრამებში და  პედაგოგიური პრაქტიკა გავლილი აქვს ზემო ავსტრიის განათლების უნივერსიტეტში (ლინცი), მიღებული აქვს  დიდი ბრიტანეთის გრინვიჩისა და UCL, მიდლსექსის უნივერსიტეტების სერტიფიკატები დოქტორანტთა სამეცნიერო ხელმძღვანელობაზე და ასევე, სკოლამდელი განათლების მიმართულებით; არის არაერთი  საერთაშორისო და ადგილობრივი კონფერენციის, სემინარის, ვორკშოპის მონაწილე და საორგანიზაციო კომიტეტის წევრი,   აქტიურად იყო ჩართული პროფესიული განვითარების ადგილობრივ და საერთაშორისო პროგრამებში, არის სხვადასხვა საგანმანათლებლო პროექტებისა და პროფესიული განვითარების პროგრამების ორგანიზატორი.

აღმოსავლეთ ევროპის უნივერსიტეტის ასოცირებული პროფესორი, ეკონომიკის აკადემიური დოქტორი, ივანე ჯავახიშვილის სახელობის თბილისის სახელმწიფო უნივერსიტეტის ასოცირებული პროფესორი, განათლების ხარისხის განვითარების ეროვნული ცენტრის აკრედიტაციის  და ავტორიზაციის ექსპერტი. აღმოსავლეთ ევროპის უნივერსიტეტის სამეცნიერო კვლევებისა და განვითარების დეპარტამენტის ხელმძღვანელი, პროფესორი. სხვადასხვა პერიოდში მოღვაწეობდა კერძო და საჯარო ორგანიზაციებში მაღალ თანამდებობებზე. იყო საქართველოს პარლამენტის მოწვეული ექსპერტი, მრჩეველი ეკონომიკის მიმართულებით და საერთაშორისო ორგანიზაციის International Alert-ის ეკონომიკის ექსპერტი. გრიგოლ რობაქიძის სახელობის უნივერსიტეტში ხელმძღვანელობდა ბიზნესის საბაკალავრო საგანმანათლებლო პროგრამებს.

კვალიფიკაციის ამაღლების მიზნით მონაწილეობდა გაცვლით პროგრამებში კანზასის სახელმწიფო უნივერსიტეტსა და მეტროპოლიტენის სახელმწიფო უნივერსიტეტებში (აშშ), ტარტუს უნივერსიტეტში (ესტონეთი), ეროვნული განვითარებისა და რეფორმების კომისიის მაკროეკონომიკური კვლევის აკადემიაში (ჩინეთი). Erasmus+ გაცვლითი პროგრამის ფარგლებში მიწვეული იყო რჟშეშოვის ტექნოლოგიურ უნივერსიტეტში (პოლონეთი), მისკოლჩის უნივერსიტეტსა (უნგრეთი) და პოზნანის ტექნოლოგიურ უნივერსიტეტში (პოლონეთი) ლექციების წასაკითხად სტრატეგიული მენეჯმენტსა და საერთაშორისო მეწარმეობაში.

2005 წლიდან პედაგოგიურ მოღვაწეობას ეწევა ივანე ჯავახიშვილის სახელობის თბილისის სახელმწიფო უნივერსიტეტსა და აღმოსავლეთ ევროპის უნივერსიტეტში. კითხულობს სალექციო კურსებს ქართულ და ინგლისურ ენებზე (საერთაშორისო ბიზნესი, კვლევის მეთოდები, საერთაშორისო მეწარმეობა); ბიზნესის, ეკონომიკის და უმაღლესი განათლების აქტუალურ საკითხებზე გამოქვეყნებული აქვს 50-მდე სამეცნიერო ნაშრომი. დავით სიხარულიძე არის მრავალი სამეცნიერო-კვლევითი საგრანტო პროექტის მონაწილე (როგორც პროექტის თანაავტორი, ხელმძღვანელი, კოორდინატორი, წამყვანი მკვლევარი, მოწვეული ექსპერტი და ა.შ.). მისი უშუალო ხელმძღვანელობით უკანასკნელი ორი წლის განმავლობაში დასრულდა ივანე ჯავახიშვილის სახელობის თბილისის სახელმწიფო უნივერსიტეტის მიერ დაფინანსებული მიზნობრივი სამეცნიერო ოთხი საგრანტო კვლევითი პროექტი და მიმდინარეობს მეხუთე.

ეკონომიკის დოქტორი, პროფესორი

აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის დეკანი

უმაღლესი საგანმანათლებლო პროგრამების აკრედიტაციის ექსპერტი, განათლების ხარისხის განვითარების ეროვნული ცენტრი

მიმართულებები: ეკონომიკა, დარგობრივი მენეჯმენტი, განათლება

პროფესორი ვასილ კიკუტაძე – 2003 წლიდან აქტიურად არის ჩართული ქვეყნის უმაღლეს საგანმანათლებლო პროცესებში, როგორც ლექტორი, მკვლევარი, სხვადასხვა კვლევითი სტატიების, მონოგრაფიების, სახელმძღვანელოების ავტორი (თანაავტორი), უმაღლესი საგანმანათლებლო პროგრამების აკრედიტაციის ექსპერტი. არის აღმოსავლეთ ევროპის უნივერსიტეტის (ბიზნესისა და ინჟინერიის ფაკულტეტის დეკანი) და ივანე ჯავახიშვილის სახელობის თბილისის სახელმწიფო უნივერსიტეტის პროფესორი. მისი უშუალო ხელმძღვანელობით მუშავდება და ხორციელდება სხვადასხვა დონის უმაღლესი საგანმანათლებლო აკადემიური პროგრამები (ბაკალავრიატი, მაგისტრატურა, დოქტორანტურა). მან მონაწილეობა მიიღო სხვადასხვა სასწავლო კურსებში, მათ შორის კვლევის მეთოდების პრაქტიკულ გამოყენებასა და კვლევის ტექნოლოგიურ მხარდაჭერაში. ასევე  მონაწილეობდა მრავალ საერთაშორისო სამეცნიერო კონფერენციაში და მისი ნაშრომები იბეჭდება საერთაშორისო რეცენზირებად ჟურნალებში. ვასილ კიკუტაძე არის 20-ზე მეტი კვლევითი საგრანტო პროექტის მონაწილე (როგორც თანაავტორი, ხელმძღვანელი, კოორდინატორი, მთავარი მკვლევარი, მოწვეული ექსპერტი და სხვ.). როგორც ექსპერტი, რეგულარულად თანამშრომლობს სხვადასხვა კვლევით ფონდებთან და მონაწილეობს კვლევითი პროექტების შეფასების პროცესში.

აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტის დეკანის მოადგილე და ასისტენტ-პროფესორი. ამასთანავე, ის არის მედისონის სამედიცინო ჰოლდინგის ექიმი ენდოკრინოლოგი და აღმოსავლეთ ევროპის უნივერსიტეტის განათლების მეცნიერებების (ინგლისურენოვანი) სადოქტორო პროგრამის სტუდენტი.

2011 წელს დაამთავრა თბილისის სახელმწიფო სამედიცინო უნივერსიტეტის მედიცინის ფაკულტეტი და მიენიჭა დიპლომირებული მედიკოსის აკადემიური ხარისხი, ხოლო 2016 წელს მიენიჭა ლონდონის დედოფალ მერის უნივერსიტეტის (დიდი ბრიტანეთი) მაგისტრის ხარისხი კლინიკურ ენდოკრინოლოგიაში.

კვალიფიკაციის ამაღლების მიზნით, ელენე ზურაბიშვილს გავლილი აქვს სამედიცინო განათლების საერთაშორისო ასოციაციის (AMEE) კურსი – სამედიცინო განათლების  საბაზისო უნარები 2022 წელს და შეფასებები სამედიცინო განათლებაში 2023 წელს. ამასთანავე, გავლილი აქვს ევროპის დიაბეტის შემსწავლელი ასოციაციის (EASD), პედიატრიული ენდოკრინოლოგიის ევროპული საზოგადოების (ESPE), ბარტსის მედიცინისა და სტომატოლოგიის სკოლის (ლონდონი) და ა.შ. მიერ ორგანიზებული დიპლომისშემდგომი განათლების არაერთი საერთაშორისო კურსი.

ელენე ზურაბიშვილის სადოქტორო პროექტი – „An investigation into the progression of undergraduate medical students to their professional status; facilitators and inhibitors in Georgian medical education” არის შოთა რუსთველის სამეცნიერო ფონდის 2022 წლის დოქტორანტურის საგანამანათლებლო პროგრამების გრანტით დაფინანსების კონკურსის გამარჯვებული. ამასთანავე, ის როგორც ახალგაზრდა მეცნიერი, ამჟამად ჩართულია სამეცნიერო კვლევით პროექტში „მეცნიერული კვლევების ინტერნაციონალიზაცია საქართველოში (1991-2021) და მისი ზეგავლენა პროფესორ-მასწავლებლების აკადემიურ საქმიანობაზე“. ელენე ზურაბიშვილი, როგორც ექიმი მკვლევარი ჩართული იყო აღმოსავლეთ ევროპის უნივერსიტეტის მიერ დაფინანსებულ სამეცნიერო პროექტში „მძიმე მეტალებით ეკოსისტემის დაბინძურებასთან დაკავშირებული მოსახლეობის ინტოქსიკაციის და ონკოლოგიური დაავადებების რისკების შეფასება“ 2021 წელს.

ბიზნესის ადმინისტრირების დოქტორი;

სპეციალობა: მენეჯმენტი;

EEU-ს ბიზნესისა და ინჟინერიის ფაკულტეტის დეკანის მოადგილე, ასოცირებული პროფესორი.

თამთა ლეკიშვილი არის ბიზნესის ადმინისტრირების დოქტორი (2020), აღმოსავლეთ ევროპის უნივერსიტეტის ბიზნესისა და ინჟინერიის ფაკულტეტის დეკანის მოადგილე.

თამთა ლეკიშვილს აქვს მდიდარი საერთაშორისო გამოცდილება ფორმალური და არაფორმალური განათლებისა და ტრეინინგების კუთხით. 2015 წელს იგი ERASMUS MUNDUS-ის პროგრამის ფარგლებში სწავლობდა ესპანეთში სადოქტორო პროგრამაზე (სანტიაგო დე კომპოსტელას უნივერსიტეტი). ასევე, დოქტორანტურაზე სწავლის პერიოდში იგი იმყოფებოდა აშშ-ში “უნივერსიტეტისა და ბიზნესის პარტნიორობის (University-Business Partnership)” პროექტის ფარგლებში (2018).

თამთა ლეკიშვილი, ასევე, მონაწილეობდა სხვადასხვა საერთაშორისო პროექტში: რუმინეთში – „Capitalizing the educational development in the Black Sea Area“,  თურქეთში – „University Collaboration Network at the Black Sea“, ჰოლანდიაში – „European Business Skills“, გერმანიაში – „Design your future through social commitment – International Youth Forum ERASMUS +; START STIFTUNG; IRIS GROUP; Balkans, let’s get up!“

თამთა ლეკიშვილი არის 10-ზე მეტი ინგლისურენოვანი სტატიის ავტორი. ამასთან, იგი  არის განათლების ხარისხის განვითარების ეროვნული ცენტრის აკრედიტაციის  ექსპერტი.

რუსუდან ჩერქეზიშვილი არის განათლების მეცნიერებების მაგისტრი (2023). 2019 წლიდან დასაქმებულია აღმოსავლეთ ევროპის უნივერსიტეტის განათლების დეპარტამენტში. რუსუდანს გამოქვეყნებული აქვს რამდენიმე სტატია ადგილობრივ სამეცნიერო ჟურნალებში -,,სტუდენტზე ორიენტირებული სწავლება (აღმოსავლეთ ევროპის უნივერსიტეტის შემთხვევა); „მოსწავლის როლი შიდა ხარისხის უზრუნველყოფაში“. რუსუდანი გახლავთ აღმოსავლეთ ევროპის უნივერსიტეტის სამეცნიერო კონფერენციების საორგანიზაციო კომიტეტის წევრი.

ნანა კაჭკაჭიშვილი არის აღმოსავლეთ ევროპის უნივერსიტეტის ჯანდაცვის მეცნიერებათა ფაკულტეტის საგანმანათლებლო პროგრამების კოორდინატორი და მოწვეული ლექტორი. ის ასევე იყო მოწვეული ლექტორი თბილისის სახელმწიფო სამედიცინო უნივერსიტეტის კლინიკური უნარებისა და მულტიდისციპლინური სიმულაციის ცენტრში. ამასთანავე, ის არის კავკასიის მედიცინის ცენტრის უმცროსი ექიმი.

2015-2021 წლებში სწავლობდა თბილისის სახელმწიფო სამედიცინო უნივერსიტეტის მედიცინის ფაკულტეტზე და 2021 წელს მიენიჭა დიპლომირებული მედიკოსის აკადემიური ხარისხი. ამჟამად, სწავლას აგრძელებს თბილისის სახელმწიფო სამედიცინო უნივერსიტეტის სარეზიდენტო პროგრამაში, კარდიოლოგიის სპეციალობით.

ნანა არის მომავალ ლიდერთა გაცვლითი პროგრამის (FLEX) კურსდამთავრებული, 2014-2015 წლებში აშშ-ს სახელმწიფო დეპარტამენტის სრული დაფინანსებით სწავლობდა ამერიკის შეერთებულ შტატებში. ნანა კაჭკაჭიშვილმა თსსუ-ში სწავლის მეხუთე წელს მოიპოვა Erasmus+ სრული დაფინანსება და გაცვლითი პროგრამით გაემგზავრა ესპანეთში, სანტიაგო დე კომპოსტელას უნივერსიტეტში, სადაც ერთი სემესტრის განმავლობაში სწავლობდა.

2022 წლის შემოდგომის სემესტრიდან იგი აქტიურად არის ჩართული სხვადასხვა პროექტებში და წვლილი შეაქვს აღმოსავლეთ ევროპის უნივერსიტეტის საგანმანათლებლო პროექტების დაგეგმვასა და განხორციელებაში.

თამარ თხელიძე არის განათლების მეცნიერებების მაგისტრი(2023). ამჟამად დასაქმებულია აღმოსავლეთ ევროპის უნივერსიტეტის რექტორის აპარატში. გახლავთ არაერთი სამეცნიერო კონფერენციის საორგანიზაციო კომიტეტის წევრი.

თამარ თხელიძე აქტიურად არის ჩართული კვლევით საქმიანობაში, იგი გახდა საუნივერსიტეტო კვლევითი გრანტის მფლობელი „აქციე იდეა რეალობად“. გამოქვეყნებული აქვს რამდენიმე  სტატია ადგილობრივ სამეცნიერო ჟურნალებში – „Student-centered Teaching(Case of East European University); “The influence of the scientific supervisor on the quality of the phd dissertation”.

ნათია გეგელაშვილმა 2012 წელს დაამთავრა გერმანიის ქ. მაინცის იოჰანეს გუტენბერგის სახელობის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტი (ძირითადი მიმართულება: კომუნიკაციის კვლევები, დამატებითი მიმართულება: სოციოლოგია). 2016 წელს მან მოიპოვა ამავე უნივერსიტეტის მაგისტრის ხარისხი კომუნიკაციის კვლევების განხრით.

სტუდენტობის პერიოდში ნათია გეგელაშვილი აქტიურად თანამშრომლობდა ქ. ფრანკფურტში მდებარე ბიზნესის განვითარებისა და ხელშეწყობის ცენტრთან და ჩართული იყო კომპანიის მომსახურების ხარისხის კვლევასა და კომპანიის ხარისხის მენეჯმენტის სისტემის აქტუალიზების პროცესებში.

2014 წლიდან 2022 წლამდე ნათია გეგელაშვილი გერმანიის ქ. ვისბადენში მდებარე სოციალურ და ბაზრის კვლევის ინსტიტუტში (IFAK Institut für Markt- und Sozialforschung) იკავებდა კვლევითი პროექტების მენეჯერის თანამდებობას და წლების მანძილზე ახორციელებდა როგორც გერმანიის, ასევე, საერთაშორისო სამედიცინო და სამომხმარებლო ბაზრის კვლევებს.

ამჟამად იგი კვლავ ჩართულია გერმანულ და საერთაშორისო სამედიცინო ბაზრის კვლევით პროექტებში, ამავდროულად იკავებს აღმოსავლეთ ევროპის უნივერსიტეტის სამეცნიერო კვლევებისა და განვითარების დეპარტამენტის უფროსი სპეციალისტის თანამდებობას. იგი ასევე არის აღმოსავლეთ ევროპის უნივერსიტეტის და ლონდონის მიდელსექსის უნივერსიტეტის ერთობლივი სადოქტორო პროგრამის დოქტორანტი განათლების მეცნიერებების განხრით.

გარდა ამისა, ნათია გეგელაშვილი არის საერთაშორისო მიგრაციის და განვითარების ცენტრის (CIM/GIZ) გლობალური პროგრამის „მიგრაცია და დიასპორა“ სტიპენდიანტი და შოთა რუსთაველის სამეცნიერო ფონდის დოქტორანტთა 2023 წლის კონკურსის გამარჯვებული. იგი ასევე ფლობს გერმანიის ქართული სათვისტომოს საპატიო სიგელს სწავლაში მიღწეული მაღალი შედეგებისთვის.

აღმოსავლეთ ევროპის უნივერსიტეტში ნათია გეგელაშვილი არის არაერთი საერთაშორისო და ადგილობრივი კონფერენციის, სემინარის, ვორკშოპის მონაწილე და საორგანიზაციო კომიტეტის წევრი და მკვლევარი შემდეგ კვლევით ცენტრებში: ვარლამ ჩერქეზიშვილის სახელობის ინტერდისციპლინური კვლევების ცენტრი და ფიზიკური, მენტალური და სოციალური კეთილდღეობის სამეცნიერო კვლევითი ცენტრი.

გიორგი თათანაშვილს უმაღლესი განათლების  ადმინისტრირების არა ერთ წლიანი გამოცდილება აქვს სასწავლო პროცესის მართვის კუთხით. ამჟამად დასაქმებულია ჯანდაცვის მეცნიერებათა ფაკულტეტის საგანმანათლებლო პროგრამების კოორდინატორის პოზიციაზე აღმოსავლეთ ევროპის უნივერსიტეტში. ის არის სოციოლოგიის ბაკალავრი და განათლების მეცნიერებების მაგისტრი. მას აქვს საერთაშორისო საგანმანათლებლო გაცვლით პროგრამაში ‘ერასმუს +’ მონაწილეობის გამოცდილება, რომლის ფარგლებშიც სწავლობდა ზემო ავსტრიის განათლების უნივერსიტეტში. გარდა ამისა, გიორგი თათანაშვილი იკავებს მოწვეული ლექტორის თანამდებობას ჯანდაცვის მეცნირებათა ფაკულტეტზე (EEU) და უძღვება სასწავლო კურსს სახელწოდებით: “აკადემიური სწავლის უნარები” მედიცინის ერთსაფეხურიან (ინგლისურენოვან) პროგრამაზე. გიორგი ჩართულია კვლევით საქმიანობაში, აგრეთვე ექსტრაკურიკულური და საგანანმანათლებლო პროექტების დაგეგმვა-განხორციელების პროცესში.