აფხაზეთის ავტონომიური რესპუბლიკის განათლებისა და კულტურის სამინისტრომ ბაკალავრიატისა და მაგისტრატურის სტუდენტებისთვის ჟიული შარტავას სახელობის სტიპენდიის მოსაპოვებლად კონკურსი გამოაცხადა.
სტიპენდია ემსახურება აფხაზეთის თემატიკაზე მომუშავე ახალგაზრდებში წახალისების უზრუნველყოფას მათი შემოქმედებითი და სასწავლო მოტივაციის გაზრდის მიზნით.
გამარჯვებულ სტუდენტებს სამინისტრო 10 თვის (ერთი სასწავლო წლის) განმავლობაში ყოველთვიურად 300 ლარის ოდენობის სტიპენდიას დაუნიშნავს. სტიპენდია მიენიჭება ორ სტუდენტს – ერთს ბაკალავრიატის საფეხურიდან და მეორეს – მაგისტრატურის საფეხურიდან.