გამოცემები

აღმოსალეთ ევროპის უნივერსიტეტმა გამოსცა №2 სამეცნიერო შრომების კრებული, სადაც წარმოდგენილია აღმოსავლეთ ევროპის უნივერსიტეტის აკადემიური პერსონალის, ახალგაზრდა მკვლევარებისა და საქართველოს უმაღლეს საგანმანათლებლო დაწესებულებების სხვადასხვა ფაკულტეტის სტუდენტების პრაქტიკული ღირებულების მქონე სტატიები.

სარედაქციო საბჭო:

პროფ. შალვა მაჭავარიანი (მთავარი რედაქტორი), პროფ. პოლ გიბსი, პროფ. იან ბოემი, პროფ. რიჩარდ გეიბელი, ასოც. პროფ. კახაბერ ლაზარაშვილი, პროფ. ელიკო წიკლაური-ლამიხი, ასოც. პროფ. დავით ჩერქეზიშვილი, პროფ. ზურაბ ძლიერიშვილი, ასოც. პროფ. შალვა ტაბატაძე, პროფ. ზვიად როგავა, ასოც. პროფ. რუსუდან ჩიქოვანი, პროფ. მერაბ ბოლქვაძე, პროფ. ავთანდილ გაგნიძე, პროფ. დავით ბოსტოღანაშვილი, ასოც. პროფ. ვასილ კიკუტაძე, ასისტ. პროფ. ქეთევან აფთარაშვილი, ასოც. პროფ. დავით სიხარულიძე, პროფ. შალვა კვინიხიძე, ასოც. პროფ. ზუხრა მაცაბერიძე, პროფ. ნინო გაჩეჩილაძე, ასოც. პროფ. ირმა წერეთელი, პროფ. თინათინ ფანცულაია, ასოც. პროფ. ლევან მახაშვილი, ასოც. პროფ. ფატიმა მამარდაშვილი, თათია ღერკენაშვილი (პასუხისმგებელი მდივანი).

კრებული იხ. ბმულზე.

აღმოსალეთ ევროპის უნივერსიტეტმა გამოსცა №1 სამეცნიერო შრომების კრებული, სადაც წარმოდგენილია აღმოსავლეთ ევროპის უნივერსიტეტის აკადემიური პერსონალის, ახალგაზრდა მკვლევარებისა და საქართველოს უმაღლეს საგანმანათლებლო დაწესებულებების სხვადასხვა ფაკულტეტების სტუდენტების პრაქტიკული ღირებულების მქონე სტატიები.

სარედაქციო საბჭო:
პროფ. შალვა მაჭავარიანი (მთავარი რედაქტორი), პროფ. გელა გრიგოლაშვილი, თათია ღერკენაშვილი (პასუხისმგებელი მდივანი), პროფ. მიხეილ თოქმაზიშვილი, პროფ. ელიკო წიკლაური-ლამიხი, პროფ. იან ბოემი, პროფ. ინდრეკ იაკობსონი, პროფ. ზვიად როგავა, პროფ. დავით ბოსტოღანაშვილი.
კრებული გამოიცა 2019 წლის 23 დეკემბერს.

კრებული იხ. ბმულზე

აშშ-ის საქართველოს საელჩოს მიერ გამოცხადებული წიგნის თარგმანის პროგრამა 2018-ის გამარჯვებული აღმოსავლეთ ევროპის უნივერსიტეტის  (EEU) პროექტის ფარგლებში, საქართველოს საზოგადოებრივ საქმეთა ინსტიტუტის  (GIPA) პარტნიორობით გამოიცა ქართულ ენაზე თარგმნილი სახელმძღვანელო – ’’მეწარმეობა, ახალი საწარმოს წარმატებული წამოწყებისთვის’’, ავტ. ბრუს რ. ბარინგერი და რ. დუეინ აირლენდი (Entrepreneurship: Successfully Launching New Ventures, sixth ed. Publisher: Pearson, 2018,).

აღნიშნული სახელმძღვანელოს ავტორების ნაშრომები  დიდი მოთხოვნით სარგებლობს აშშ-ს, კანადის, ავსტრალიისა და ევროპის წამყვან უნივერსიტეტებში.

გამოცემის თითოეულ თავში განხილულია რეალური მაგალითები, სპეციალური შემთხვევების ანალიზები, პრობლემები, რომლებსაც დღესდღეობით აწყდებიან მეწარმეები და წარმოდგენილია მათი გადაჭრისთვის საჭირო კონკრეტული გზები. სახელმძღვანელოში განხილული თემები მნიშვნელოვანია არა მხოლოდ ბიზნესის ადმინისტრირებისა და ეკონომიკის პროგრამების სამივე საფეხურის სტუდენტებისთვის, არამედ მოქმედი სპეციალისტებისა და მეწარმეობის საკითხებით დაინტერესებული ფართო საზოგადოებისთვის.

✍️ წიგნის თარგმანის პროექტზე მუშაობდნენ:

✔ შალვა მაჭავარიანი – პროექტის ხელმძღვანელი, სამეცნიერო რედაქტორი (EEU)
✔ ნათია ჭიღვარია – პროექტის თანახელმძღვანელი, მკვლევარი/მთარგმნელი (GIPA)
✔ მიხეილ თოქმაზიშვილი – მკვლევარი/მთარგმნელი (TOU & EEU)
✔ ნათია ჭიღვარია – მკვლევარი/მთარგმნელი (GIPA)
✔ ნიკოლოზ აბუაშვილი – მკვლევარი/მთარგმნელი (GIPA)
✔ ვახტანგ ჭარაია – მკვლევარი/მთარმგნელი (GRUNI & EEU)
✔ გიორგი ღაღანიძე – მკვლევარი/მთარგმნელი (TSU)
✔ გელა გრიგოლაშვილი – მკვლევარი/მთარგმნელი (EEU)
✔ჟანა ანთია – მკვლევარი/მთარგმნელი (GIPA)
✔ თათია ღერკენაშვილი – ტექნიკური რედაქტორი, პროექტის კოორდინატორი (EEU)

ანოტაცია:

კრებული შედგენილია ,,ევროინტეგრაციის აქტუალური საკითხები’’ დევიზით გამართულ საერთაშორისო სტუდენტთა სამეცნიერო კონფერენციაზე წარმოდგენილი საუკეთესო ნაშრომებით

სარედაქციო კოლეგია: პროფ. შალვა მაჭავარაიანი (მთავარი რედაქტორი), პროფ. გიორგი ღაღანიძე, პროფ. ბერნდ თომას ჰაინრიხი, პროფ. ნანა მაჭარაშვილი, თათია ღერკენაშვილი (რედაქტორის მოადგილე)

კრებული გამოიცა 2018 წლის 17 ნოემბერს.

ანგარიში მომზადებულია „აღმოსავლეთ ევროპის უნივერსიტეტის” სამეცნიერო კვლევებისა და განვითარების სამსახურის მიერ. კვლევა ჩატარდა 2017 წლის აპრილის თვეში და წარმოადგენს თბილისის სხვადასხვა მედიცინის პროგრამის განმახორციელებელი უმაღლესი სასწავლებლების უცხოელი სტუდენტების სასაწავლო პროცესისა და მატერიალურ-ტექნიკურ ბაზებთან მიმართებაში კმაყოფილების ხარისხის კვლევის ანგარიშს.

ანოტაცია:

სახელმძღვანელოს ძირითადი ამოცანაა, მოკლედ იქნეს მიმოხილული ძირითადი პრობლემები და დისკუსიები, რომლებიც ანალიტიკური სამართლის ფილოსოფიის მთლიანობას ქმნის, მათი ურთიერთკავშირი კლასიკურ ფილოსოფიურ-სამართლებრივ სწავლებებთან. ანალიტიური ტრადიცია ჩამოყალიბდა XX  საუკუ ნეში, ჰარტის, მისი მიმდევრების, ოპონენტებისა და კრიტიკოსების გარშემო.

მკითხველი სამართლის ფილოსოფიის ამგვარი სახელმძღვანელოს წაკითხვით დაინტერესდება ფილოსოფიურ-სამართლებრივი თეორიის უფრო ღრმა შესწავლით, რომელიც მხოლოდ სამართლის, როგორც თანამედროვე ცივილიზებული სამყაროს მოვლენის, არსს კი არ ააშკარავებს, არამედ, ასევე, ხსნის სამართლებრივ და მორალურ დანაწესთა ურთიერთმიმართების, სამართლებრივი სისტემის სტრუქტრის, სასამართლო მიხედულებისა და სამართალშეფარდების საკითხებს

ანოტაცია:

კრებული შედგენილია სტუდენტური სამეცნიერო კონფერენციის ”საქართველოს ევროინტეგრაციის პერსპექტივები” ფარგლებში წარმოდგენილი საუკეთესო სამეცნიერო ნაშრომებით. ფრიდრიხ ებერტის ფონდისა და ორგანიზატორების: აღმოსავლეთ ევროპის უნივერსიტეტის, კავკასიის უნივერსიტეტის,  საქართველოს საზოგადოებრივ საქმეთა ინსტიტუტის, თბილისის ევროპული ახალგაზრდული ცენტრის მიერ განხორციელებულ სტუდენტურ სამეცნიერო კონფერენციაში: ” საქართველოს ევროინტეგრაციის პერსპექტივები” მონაწილეობენ საქართველოს უნივერსიტეტების სამართლის, ეკონომიკის, ბიზნესის ადმინისტრირების, საჯარო მმართველობისა და სოციალურ მეცნიერებათა სკოლების მაგისტრატურისა და დოქტორანტურის სტუდენტები.

ანოტაცია:

სახელმწიფო მმართველობის მოდელები: ,,საქართველოს საკონსტიტუციო სინამდვილე და პერსპექტივა’’ აერთიანებს საკონსტიტუციო სამართალში II ეროვნული კონფერენციის მოხსენებებს. კრებულში წარმოდგენილი ნაშრომებიდან თითოეული მათგანი ორიენტირებულია იმ პრობლემებსა და აქტუალურ საკითხებზე, რომლებიც თანამედროვე ქართული პოლიტიკურსამართლებრივი სივრცისთვის სასიცოცხლოდ მნიშვნელოვანია. მოხსენებათა შინაარსი, სპეციფიკა და ავტორთა ინდივიდუალური, განსაკუთრებული ხედვა ძალიან ბევრ ადამიანს დააინტერესებს, დაეხმარება მკითხველს უკეთ გაერკვეს ზოგიერთი საკითხის შინაარსში, განსხვავებულად დაინახოს პრობლემა და რაც მთავარია, დაისახოს მისი გადაწყვეტის გზა.

გამოცემა წარმოადგენს კვლევის შედეგების ანალიტიკურ ანგარიშს, რომელიც მომზადებულია კვლევითი და საკონსულტაციო კომპანია ”ეისითი“-ს მიერ „აღმოსავლეთ ევროპის უნივერსიტეტისთვის“.

კვლევის ძირითადი მიზანი: დოქტორანტურის ახალი იდეის მიმართ ბიზნესისა და უმაღლესი სასწავლო დაწესებულებების წარმომადგენლების დამოკიდებულებების შესწავლა;

კვლევის ამოცანები:

• შრომის ბაზარზე არსებული ბიზნეს ადმინისტრირების კადრების კვალიფიკაციის შეფასება;

• ბიზნეს ადმინისტრირების კადრების ნაკლებობის აღქმა;

• ბიზნეს ადმინისტრირების სწავლების დონის შეფასება;

• ბიზნეს ადმინისტრირების პროფესორ – მასწავლებლების კვალიფიკაციის დონის შეფასება;

• ახალი იდეის მიმართ სამიზნე სეგმენტის დამოკიდებულებების გამოვლენა;

• დოქტორანტურის ახალი იდეის აღქმული უპირატესობების და ნაკლოვანებების შესწავლა;

• დოქტორანტურის პროგრამაში ბიზნეს კომპანიების ჩართვის მზაობის შესწავლა – აღქმული მოტივატორების და ბარიერების გამოვლენა;

• უსდ-ებში პროგრამის კურსდამთავრებულების დასაქმების მზაობის გამოვლენა – აღქმული მოტივატორების და ბარიერების გამოვლენა;

მოცემული ანგარიშში წარმოადგენს ახალი დოქტორანტურის მიმართ მაგისტრანტების დამოკიდებულებების კვლევის შედეგების ანალიტიკურ ანგარიშს, რომელიც მომზადებულია კვლევითი და საკონსულტაციო კომპანია ”ეისითი“-ს მიერ „აღმოსავლეთ ევროპის სასწავლო უნივერსიტეტისთვის“. „აღმოსავლეთ ევროპის სასწავლო უნივერსიტეტის“ მენეჯმენტის მიზანია დანერგოს ახალი, თვისებრივად განსხვავებული ბიზნეს ადმინისტრირების დოქტორანტურა. პროგრამის განხორციელებამდე, მენეჯმენტმა გადაწყვიტა ახალ იდეასთან დაკავშირებით დოქტორანტურის პოტენციური მომხმარებლების აზრის შესწავლა. აღნიშნული მიზნის მისაღწევად „აღმოსავლეთ ევროპის სასწავლო უნივერსიტეტის“ მენეჯმენტმა მიმართა კვლევით საკონსულატციო კომპანია „ეისითის“.

ანგარიშში წარმოდგენილია „აღმოსავლეთ ევროპის სასწავლო უნივერსიტეტის“ ახალი სადოქტორო პროგრამის იდეასთან დაკავშირებით გამოთქმული შეფასებების ინტერპრეტაცია და ანალიზი.

  ,,განათლების ინოვაციური ორიენტირები” – საერთაშორისო სამეცნიერო კონფერენციის მასალათა კრებული;

კრებულის სარედაქციო კოლეგია:

ირმა ბარბაქაძე – განათლების დოქტორი, პროფესორი

მანანა ღარიბაშვილი – ფილოლოგიის დოქტორი, პროფესორი

იან ბოემი – განათლების დოქტორი, პროფესორი

რედაქტორი: ნინო სოზაშვილი – ფილოლოგიის, განათლების მეცნიერებათა დოქტორი, პროფესორი

ანოტაცია:

,,საქართველოს დემოკრატიული რესპუბლიკა და 1921 წლის კონსტიტუცია’’ სამეცნიერო სტატიების კრებულია, რომელშიც შესულია საკონსტიტუციო სამართალში პირველი ეროვნული კონფერენციის მონაწილეთა მოხსენებები. 2013 წლის 21 თებერვალს დავით ბატონიშვილის სამართლის ინსტიტუტისა და აღმოსავლეთ ევროპის უნივერსიტეტის ერთობლივი ორგანიზებით გაიმართა პირველი კონფერენცია საკონსტიტუციო სამართალში, რომელიც მომავალში ყოველწლიური გახდება. კრებულში წარმოდგენილია კონფერენციის გამომსვლელთა იმ ნაწილის მოხსენებები, რომლებიც აქამდე არსად გამოქვეყნებულა. წიგნი განკუთვნილია იურისტების, ისტორიკოსების, პოლიტოლოგებისა და საზოგადოებრივი მეცნიერებების სხვა მიმართულების წარმომადგენელთათვის, ასევე, საქართველოს პირველი რესპუბლიკის თემატიკით დაინტერესებული პირებისთვის.

ანოტაცია:

,,საქართველოს საკონსტიტუციო სამართალი’’ იურიდიული ფაკულტეტის სტუდენტთათვის განკუთვნილი სახელმძღვანელოა, რომელიც მოიცავს კონსტიტუციონალიზმისა და საქართველოს საკონსტიტუციო მოწყობის ძირითადი საფუძვლების შესახებ ინფორმაციას.

,,საქართველოს საკონსტიტუციო სამართალი’’ თვისობრივად ახალი სახელმძღვანელოა, მასში გათვალისწინებულია როგორც ქართული, ისე ბრიტანული, ამერიკული და ევროპული გამოცდილება. მისი უმთავრესი დანიშნულება სტუდენტთათვის კონსტიტუციონალიზმის საფუძვლების, საქართველოს საკონსტიტუციო სამართლისა და სახელმწიფოს მართლწესრიგის შესახებ საბაზისო ინფორმაციის მიწოდებაა. სახელმძღვანელოში სისტემურადაა წარმოდგენილი ზოგადთეორიული, შედარებითსამართლებრივი ინფორმაცია, საქართველოს ისტორიული გამოცდილება და სახელმწიფო ინსტიტუტთა მოქმედი მოწესრიგება. ნაშრომში ადამიანის ძირითადი უფლებებსა და საქართველოში უფლების დაცვის მექანიზმებს სპეციალური თავი თავი ეთმობა, ურომლისოდაც კონსტიტუციონალიზმის საფუძვლების შესწავლა წარმოუდგენელია.