აღმოსავლეთ ევროპის უნივერსიტეტის მხარდაჭერით გამოიცა პროფესორ დავით წულაიას ახალი წიგნი „ზოგიერთი კრიმინოლოგიური ასპექტი ქრისტიანული მართლმადიდებლური მოძღვრების მიხედვით“.
წიგნი განკუთვნილია იურიდიული, სოციალური და ფსიქოლოგიური ფაკულტეტის სტუდენტებისთვის; კრიმინოლოგებისთვის, იურისტებისთვის, სოციოლოგებისთვის, ფსიქოლოგებისთვის; სამართალდამცავი ორგანოებისა წარმომადგენლებისთვის; დანაშაულის პრობლემატიკით დაინტერესებული საზოგადოების ფართო წრის წარმომადგენლებისთვის
წიგნი წარმოადგენს პირველ მონოგრაფიულ ნაშრომს, რომელიც მართლმადიდებლური ქრისტიანული მოძღვრების ჭრილში იკვლევს კრიმინოლოგიის ისეთ საკვანძო საკითხებს, როგორიცაა – დანაშაული და დანაშაულობა, დამნაშავის პიროვნება, დანაშაულისა და დანაშაულობის გამომწვევი მიზეზები და პრევენცია. ნაშრომის სამეცნიერო ღირებულება მდგომარეობს იმაში, რომ მასში განხილულია მართლმადიდებლური ქრისტიანული სწავლებების ის აქსიოლოგიური ასპექტები, რომლებიც კრიმინოლოგიას ეხება, გაშუქებულია მათი პოზიტიურ მეცნიერებაში ინტეგრაციის შესაძლებლობა და გაანალიზებულია საეკლესიო სწავლებებსა და სამეცნიერო მიდგომებს შორის თავსებადობის საკითხები.
მეცნიერული ღირებულების მაქსიმალურად შეძენისა და სუბიექტივიზმის თავიდან აცილების მიზნით, ნაშრომში განვითარებული მიგნებები და დასკვნები გამყარებულია არა მხოლოდ ქრისტიანული მართლმადიდებლური მოძღვრებითა და ლოგიკური მსჯელობებით, არამედ ემპირიული კვლევებითა და, ზოგიერთ შემთხვევაში, საქმეებით სასამართლო პრაქტიკიდან.
წიგნი კარგად აკავშირებს თეოლოგიასა და კრიმინოლოგიას, წარმოაჩენს, თუ როგორ გვეხმარება ქრისტიანული მართლმადიდებლური მორალური ღირებულებები დანაშაულისა და სამართლიანობის ცნებების სწორად გაგებაში. რელიგიური დოქტრინების კრიმინოლოგიურ დისკურსში ჩართვით, წიგნი, სისხლის სამართლის ეთიკურ და მორალურ ასპექტებზე, გვთავაზობს ახალ მიდგომებს.
წიგნი სიღრმისეულად იკვლევს მართლმადიდებლური ქრისტიანობის ისეთ ძირითად კონცეფციებს, როგორიც არის ცოდვა, მონანიება, მიტევება და საღვთო სამართლიანობა. აღნიშნული კონცეფციები შედარებულია კრიმინოლოგიურ თეორიებთან, რაც ნათლად დაგვანახებს თუ რა გავლენას ახდენს რელიგიური მორალი სამართლებრივ ტრადიციებსა და დანაშაულებრივი ქცევის აღქმაზე.
წიგნი ასევე გვაწვდის საინტერესო ინფორმაციას იმის შესახებ, თუ რა გავლენა იქონია ისტორიულად მართლმადიდებლურმა მოძღვრებამ სისხლის სამართალსა და რეაბილიტაციის პრაქტიცირებაზე. წიგნში გაანალიზებულია ეკლესიის როლი მართლმსაჯულების ეთიკური საფუძვლების ჩამოყალიბებაში, განსაკუთრებით იმ ქვეყნებში, რომელთა მოსახლეობის უმრავლესობას წარმოადგენენ ქრისტიანები.
წიგნი მნიშვნელოვანია იმ კუთხითაც, რომ მასში, მართლმადიდებლური სწავლების ჭრილში, გაანალიზებულია აღდგენითი მართლმსაჯულების პრინციპები. დამნაშავეთა შერიგებაზე, მონანიებასა და სოციალურ რეინტეგრაციაზე აქცენტირება, შეესაბამება თანამედროვე კრიმინოლოგიურ ტენდენციებს, რაც ნიშნავს იმას, რომ სადამსჯელო ზომებთან შედარებით, რეაბილიტაციას ენიჭება უპირატესობას.
წიგნის წაკითხვის შემდეგ, მკითხველი დარწმუნდება, რომ დანაშაულისა და დანაშაულობის კომპლექსური ბუნების გაგება ბოლომდე შეუძლებელია მეცნიერების მიერ, თუ არ მოხდება ფაქტებისა და მოვლენების შესახებ ტრანსცენდენტური ცოდნის ინტეგრირება კრიმინოლოგიაში.
სხვა ინფორმაცია:
- ავტორი: დავით წულაია;
- წიგნი დაიბეჭდა 2025 წელს აღმოსავლეთ ევროპის უნივერსიტეტის ფინანსური მხარდაჭერით;
- ენა: ინგლისური;
კრებული შედგენილია აღმოსავლეთ ევროპის მიგრაციისა და დიასპორის
წინამდებარე წიგნი წარმოადგენს 2021 წელს აღმოსავლეთ ევროპის უნივერსიტეტისა (საქართველო) და ფრესენიუსის გამოყენებითი მეცნიერებების უნივერსიტეტის (გერმანია) მიერ ორგანიზებული საერთაშორისო სამეცნიერო-პრაქტიკული კონფერენციის: ,,ციფრული მენეჯმენტი, პანდემიისა და პოსტ–პანდემიურ პირობებში“ (ISCP 2021) ნაშრომთა კრებულს.
აღმოსალეთ ევროპის უნივერსიტეტმა გამოსცა №3 სამეცნიერო შრომების კრებული, სადაც წარმოდგენილია აღმოსავლეთ ევროპის უნივერსიტეტის აკადემიური პერსონალის, ახალგაზრდა მკვლევარებისა და საქართველოს უმაღლეს საგანმანათლებლო დაწესებულებების სხვადასხვა ფაკულტეტის სტუდენტების პრაქტიკული ღირებულების მქონე სტატიები.
