გამოცხადდა განაცხადების მიღება მე-6 წლიურ საერთაშორისო სამეცნიერო-პრაქტიკულ კონფერენციაში, ISPC 2026: ,,ციფრული მენეჯმენტი – სამეცნიერო კვლევა და მისი პრაქტიკაში დანერგვა“ მონაწილეობის მისაღებად

• პროფ. დოქტ. რიჩარდ გეიბელი, გამოყენებითი მეცნიერებების საერთაშორისო უნივერსიტეტი, ელექტრონული კომერციის ინსტიტუტი (გერმანია);
• პროფ. დოქტ. დავით ჩერქეზიშვილი, რექტორი, აღმოსავლეთ ევროპის უნივერსიტეტი (საქართველო);
• პროფ. დოქტ. კახაბერ ლაზარაშვილი, წარმომადგენლობითი საბჭოს თავმჯდომარე, ვიცე-რექტორი საერთაშორისო, ადმინისტრაციულ და სამეცნიერო საკითხებში, აღმოსავლეთ ევროპის უნივერსიტეტი (საქართველო);
• პროფ. დოქტ. მერიენ ჰაილენდი, ბიზნეს სკოლის დეკანი, ადელფის უნივერსიტეტი (აშშ);
• პროფ. დოქტ. დარიუს ცუმშტაინი, ჩრდილო-დასავლეთ შვეიცარიის გამოყენებითი მეცნიერებებისა და ხელოვნების უნივერსიტეტი (FHNW), კონკურენტუნარიანობისა და კომუნიკაციის ინსტიტუტი, ოლტენი (შვეიცარია).

კონფერენციის თემატიკა მოიცავს ციფრულიზაციას ბიზნესის, მენეჯმენტის, განათლებისა და კვლევის სფეროებში. მისი მიზანია შექმნას ფორუმი ციფრულიზაციასთან დაკავშირებული აქტუალური საკითხების წარდგენისა და განხილვისათვის.

კონფერენცია გაიმართება ჩრდილო-დასავლეთ შვეიცარიის გამოყენებითი მეცნიერებებისა და ხელოვნების უნივერსიტეტში (FHNW).

ღონისძიება ჩატარდება ჰიბრიდულ ფორმატში, შესაბამისად მონაწილეებს შესაძლებლობა ექნებათ პრეზენტაცია წარადგინონ როგორც კონფერენციის გამართვის ლოკაციაზე, კერძოდ შვეიცარიის ქალაქ ბრიუგში, ისე ონლაინ რეჟიმში – Zoom პლატფორმის საშუალებით.

დამატებითი ინფორმაცია იხ. ბმულზე

კონფერენციაში მონაწილეობისათვის აუცილებელია  განაცხადის ანოტაციით (Application form with Abstract) წარმოდგენა არაუგვიანეს 2026 წლის 1 ივნისისა შემდეგ ელექტრონულ მისამართებზე: ispc2026conference@gmail.com  და sciencepapers@eeu.edu.ge

კონფერენციაში მონაწილეობის საფასური

ISPC 2026-ში მონაწილეობის საფასური არის უფასო

სამიზნე აუდიტორია

მკვლევრები, პრაქტიკოსები, სამაგისტრო და სადოქტორო პროგრამების სტუდენტები როგორც კონფერენციის ორგანიზატორი უნივერსიტეტებიდან, ისე მსოფლიოს მასშტაბით არსებულ სხვა უმაღლესი საგანმანათლებლო დაწესებულებებიდან.

განაცხადის/Application form (ანოტაციით) წარმოდგენის ბოლო ვადა – 1 ივნისი, 2026;

სამეცნიერო ნაშრომის პრეზენტაციასთან ერთად წარმოდგენის ბოლო ვადა – 1 სექტემბერი, 2026;

ISPC 2026 კონფერენციის გამართვა – 10-11 სექტემბერი, 2026.

სამეცნიერო ნაშრომისა და პრეზენტაციის წარმოდგენა  

• PPT პრეზენტაცია (მოხსენება – 20 წუთი, დისკუსია – 5 წუთი);
• სამეცნიერო ნაშრომი (არ უნდა აღემატებოდეს 10 – A4 ფორმატზე შესრულებულ გვერდს, დაახლოებით 5,000 სიტყვა);
• მოთხოვნები სამეცნიერო ნაშრომის შესასრულებლად იხილეთ დანართის -ის სახით.

ყველა მოთხოვნილი დოკუმენტაცია წარმოდგენილი უნდა იყოს ინგლისურ ენაზე.

კონფერენციის ბოლოს სამეცნიერო კომიტეტი გამოავლენს ავტორებს შემდეგ ნომინაციებში:

• საუკეთესო მომხსენებელი;
• ახალგაზრდა მეცნიერი.

საკონფერენციო ნაშრომების გამოცემა

სამეცნიერო კომიტეტის მიერ შერჩეული საუკეთესო ნაშრომები გამოქვეყნდება Scopus-ში ინდექსირებულ სპრინგერის გამოცემაში – სპრინგერის ნაშრომები ბიზნესსა და ეკონომიკაში (SPBE).

FHNW Campus Brugg-Windisch
Bahnhofstrasse 6
5210 Windisch Switzerland

დამატებითი ინფორმაციის მისაღებად ეწვიეთ ბმულს