პროგრამის შესახებ:
ბიზნესისა და ინჟინერიის ფაკულტეტის დეკანი: პროფესორი ვასილ კიკუტაძე
პროგრამის ხელმძღვანელები:
პროფესორი რიჩარდ კარლ გეიბელი, გამოყენებითი მეცნიერებების საერთაშორისო უნივერსიტეტი (გერმანია);
პროფესორი, ვიცე-რექტორი შალვა მაჭავარიანი, აღმოსავლეთ ევროპის უნივერსიტეტი (საქართველო);
პროგრამის ხანგრძლივობა: 2 (1+1) წელი, 120 ECTS; პროგრამა შედგება ორი თანმიმდევრული 60 ECTS კრედიტიანი ნაწილისგან.
მისანიჭებელი აკადემიური ხარისხი:
პროგრამის პირველი – 60-კრედიტიანი (ECTS) ნაწილის წარმატებით დასრულების შემდეგ კურსდამთავრებულს ენიჭება კვალიფიკაცია მენეჯმენტის მაგისტრი / Master of Management
პროგრამის სრული 120-კრედიტიანი (ECTS) სამაგისტრო საგანმანათლებლო პროგრამის წარმატებით დასრულების შემდეგ კურსდამთავრებულს ენიჭება კვალიფიკაცია – კვლევის მაგისტრი მენეჯმენტში/ Research Master in Management
პროგრამის სტატუსი: აკრედიტებული
სწავლების ენა: ინგლისური
სწავლის საფასური: 4000 აშშ დოლარის ეკვივალენტი ლარში (ერთი წელი);
პროგრამის უპირატესობები:
- ,,ციფრული მენეჯმენტის“ სამაგისტრო პროგრამა პირველი სამაგისტრო პროგრამაა საქართველოში, რომელიც შემუშავებული იქნა ფრესენიუსის უნივერსიტეტთან (Hochschule Fresenius) თანამშრომლობით. პროგრამა აგებულია გერმანული გამოცდილების საფუძველზე და სრულად პასუხობს საერთაშორისო შრომის ბაზრის მოთხოვნებს.
- ქართველი, გერმანელი, ბრიტანელი ლექტორები, ცნობილი მეცნიერები და პრაქტიკოსი სპეციალისტები
- პრაქტიკისა და თეორიის ერთიანობის პრინციპით შექმნილი თანამედროვე პროგრამა, რეალური ცოდნა როგორც ტრადიციული მენეჯმენტის მიდგომებზე, ისე ციფრული მენეჯმენტის ახალ მეთოდებზე, ორგანიზაციებში ციფრული ცვლილებების შესახებ;
- სტუდენტის პროფესიული განვითარებისათვის სეზონური სკოლები, სემინარები და სპეციალური კურსები საუნივერსიტეტო დაფინანსებით;
- დასაქმების სფეროები: ინვესტიციების მენეჯმენტი, ბიზნესის განვითარება, სტრატეგიული განვითარება, ცვლილებათა მენეჯმენტი, მედიისა და კომუნიკაციების მენეჯმენტი, მარკეტინგი, კონსალტინგი, სტარტაპი და ა.შ.
- გაცვლითი პროგრამები ბრემენის, აშაფენბურგის, ბუქარესტის, ვარშავის და სხვა ევროპის წამყვან უნივერსიტეტებში.
- სამაგისტრო საგანმანათლებლო პროგრამის კურსდამთავრებულებს შესაძლებლობა აქვთ დამატებით მიიღონ ორმაგი დიპლომი: EEU და აშაფენბურგის გამოყენებითი მეცნიერებების უნივერსიტეტი, გერმანია ან EEU და ვარშავის ეკონომიკისა და ჰუმანიტარულ მეცნიერებათა უნივერსიტეტი, პოლონეთი
პროგრამაზე მიღების წინაპირობა:
- სამაგისტრო პროგრამებზე ჩაირიცხებიან ბაკალავრის ან მასთან გათანაბრებული აკადემიური ხარისხის მქონე კანდიდატები საერთო სამაგისტრო და საუნივერსიტეტო გამოცდების საფუძველზე;
- საუნივერსიტეტო გამოცდები მოიცავს ტესტირებას ინგლისურ ენასა (იხ. ინგლისური ენის B2 ტესტის ნიმუში და პასუხები) და სპეციალობის გამოცდას (იხ. ბმულზე);
- ინგლისური ენის ტესტირებისგან თავისუფლდება მაგისტრანტობის კანდიდატი, რომელიც წარმოადგენს ინგლისური ენის B2 დონეზე ცოდნის დამადასტურებელ საერთაშორისო სერტიფიკატს;
- საერთო სამაგისტრო გამოცდების გავლის გარეშე საგანმანათლებლო პროგრამაზე სწავლის უფლება გააჩნია „უმაღლესი განათლების შესახებ“ საქართველოს კანონით გათვალისწინებულ პირს.
პროგრამაზე მიღება/რეგისტრაცია:
ციფრული მენეჯმენტის სამაგისტრო პროგრამაზე რეგისტრაციისთვის ეწვიეთ ბმულს: https://eeu.edu.ge/