აღმოსავლეთ ევროპის უნივერსიტეტში ფრესენიუსის უნივერსიტეტის (Hochschule Fresenius) ,,ციფრული მენეჯმენტის” საქართველოში პირველი სამაგისტრო პროგრამაა და კურსდამთავრებულები მიიღებენ ორმაგ დიპლომს – ქართულს და გერმანულს. ციფრული მენეჯმენტის ინგლისურენოვანი ინტერდისციპლინური პროგრამის კურსდამთავრებულები დასაქმდებიან გერმანიაში, სხვადასხვა საერთაშორისო კომპანიებში. დასაქმების სფეროებია: ინვესტიციების მენეჯმენტი, ბიზნესის განვითარება, სტრატეგიული განვითარება, ცვლილებათა მენეჯმენტი, მედიისა და კომუნიკაციების მენეჯმენტი, მარკეტინგი, კონსალტინგი, სტარტაპი და ა.შ.
პროგრამის შესახებ:
ბიზნესისა და ინჟინერიის ფაკულტეტის დეკანი: ასოცირებული პროფესორი ვასილ კიკუტაძე
პროგრამის ხელმძღვანელი/ფრესენიუსის უნივერსიტეტის დეკანი: პროფესორი რიჩარდ გეიბელი (ფრესენიუსის უნივერსიტეტი, კიოლნი, გერმანია)
პროგრამის ხელმძღვანელი: პროფესორი, ვიცე-რექტორი შალვა მაჭავარიანი (აღმოსავლეთ ევროპის უნივერსიტეტი, თბილისი, საქართველო)
პროგრამის ხანგრძლივობა: 2 წელი, 120 ECTS
პროგრამის სტატუსი: აკრედიტებული
სწავლების ენა: ინგლისური
სწავლის საფასური: 3500 ლარი (ერთი წელი); ორმაგი დიპლომის შემთხვევაში სწავლის საფასური – 5000 აშშ დოლარის ეკვივალენტი ლარში (ერთი წელი); ფრესენიუსის უნივერსიტეტში (კიოლნი) სამაგისტრო ნაშრომის დაცვის შემთხვევაში დამატებითი ერთჯერადი გადასახადი – 1500 ევრო .
პროგრამის უპირატესობები:
- ციფრული მენეჯმენტი – პირველი სამაგისტრო პროგრამა საქართველოში;
- ქართველი და გერმანელი ლექტორები, ცნობილი მეცნიერები და პრაქტიკოსი სპეციალისტები;
- პრაქტიკისა და თეორიის ერთიანობის პრინციპით შექმნილი თანამედროვე პროგრამა, რეალური ცოდნა როგორც ტრადიციული მენეჯმენტის მიდგომებზე, ისე ციფრული მენეჯმენტის ახალ მეთოდებზე, ორგანიზაციებში ციფრული ცვლილებების შესახებ; ასევე, ციფრული ტრანსფორმაციის პრაქტიკული გამოწვევებისა და შესაძლებლობების იდენტიფიცირება და შესაბამისი გადაწყვეტილებების შემუშავება
- EEU–სა და ფრესენიუსის უნივერსიტეტის (Hochschule Fresenius) ქართული და გერმანული დიპლომები;
- ერთი სემესტრი სწავლა ფრესენიუსის უნივერსიტეტში (კიოლნი) და დასაქმება როგორც გერმანულ, ასევე საქარრთველოში აკრედიტებულ გერმანულ კომპანიებში;
- სტუდენტის პროფესიული განვითარებისათვის სეზონური სკოლები, სემინარები და სპეციალური კურსები საუნვერსიტეტო დაფინანსებით;
პროგრამაზე მიღების წინაპირობა:
- სამაგისტრო პროგრამებზე ჩაირიცხებიან ბაკალავრის ან მასთან გათანაბრებული აკადემიური ხარისხის მქონე კანდიდატები საერთო სამაგისტრო და საუნივერსიტეტო გამოცდების საფუძველზე;
- საუნივერსიტეტო გამოცდები მოიცავს ტესტირებას ინგლისურ ენასა (ინგლისური ენა B2 ტესტის ნიმუში და პასუხები იხ. ბმულზე) და სპეციალობის გამოცდას (იხ. ბმულზე);
- უცხო ენის ტესტირებისგან თავისუფლდება მაგისტრანტობის კანდიდატი, რომელიც წარმოადგენს ინგლისური ენის B2 დონეზე ცოდნის დამადასტურებელ სერტიფიკატს;
- საერთო სამაგისტრო გამოცდების გავლის გარეშე საგანმანათლებლო პროგრამაზე სწავლის უფლება გააჩნია „უმაღლესი განათლების შესახებ“ საქართველოს კანონით გათვალისწინებულ პირს.
ვაკანტური ადგილები და მნიშვნელოვანი თარიღები:
ვაკანტური ადგილების რაოდენობა – 20;
დოკუმენტაციის მიღების, გამოცდების ჩატარებისა და ხელშეკრულების გაფორმების ვადები:
- დოკუმენტაციის მიღება- 29 აგვისტო – 9 სექტემბერი;
- გამოცდა ინგლისურ ენაში – 12 სექტემბერი;
- ინგლისური ენის შედეგების გამოცხადება – 14 სექტემბერი;
- უცხო ენის აპელაციაზე განაცხადების მიღება – 14 სექტემბერი;
- აპელაციის შედეგების გამოცხადება – 15 სექტემბერი;
- გამოცდა სპეციალობაში (გასაუბრება) – 17 სექტემბერი;
- სპეციალობის შედეგების გამოცხადება – 17 სექტემბერი;
- ხელშეკრულებების გაფორმება – 19-20 სექტემბერი.
მაგისტრატურაში სწავლის გაგრძელების მსურველმა 29 აგვისტოდან 9 სექტემბრის ჩათვლით უნდა წარმოადგინოს შემდეგი დოკუმენტაცია (სათანადო წესით დამოწმებული):
- უმაღლესი განათლების დამადასტურებელი დოკუმენტის (დიპლომის) ასლი (დამოწმებული)/ცნობა აკადემიური ხარისხის მინიჭების შესახებ (დედანი);
- პირადობის დამადასტურებელი მოწმობის ასლი;
- ფოტოსურათი (3X4) – ელ-ვერსია (დოკუმენტაციის პირისპირ ჩაბარების შემთხვევაში, CD-ზე ჩაწერილი);
- სამხედრო აღრიცხვაზე ყოფნის დამადასტურებელი დოკუმენტის ასლი/სამხედრო ბილეთი (ვაჟებისთვის);
- უცხო ენის ცოდნის დამადასტურებელი (B2) სერტიფიკატი (ასეთის არსებობის შემთხვევაში);
- უცხო ქვეყანაში მიღებული განათლების აღიარების დამადასტურებელი დოკუმენტის ასლი (ასეთის არსებობის შემთხვევაში).
შენიშვნა: მაგისტრანტობის კანდიდატს შეუძლია გაიაროს ელექტრონული რეგისტრაცია და საჭირო დოკუმენტაცია გამოგზავნოს ელექტრონული განაცხადის საშუალებით. ელექტრონულად განაცხადის წარმოდგენისთვის გადადით ბმულზე: https://masterregistration.eeu.ge/
საკონტაქტო ინფორმაცია:
მისამართი:
კამპუსი 1: ი. ენუქიძის ქუჩა N6 (დავით აღმაშენებლის ხეივანთან 200 მეტრში, აშშ-ს საელჩოს მიმდებარედ);
შენიშვნა: დოკუმენტაცია შეგიძლიათ წარმოადგინოთ ელექტრონულად (იხ. ელექტრონული განაცხადის ფორმა: https://masterregistration.eeu.ge/), ან პირისპირ, 11:00 სთ-დან 19:00 სთ-მდე, ზემოთ მითითებულ მისამართზე – EEU-ს ახალ კამპუსში.
ტელეფონი: +995 32 248 01 41, 595101191, ელ–ფოსტა: maregistration@eeu.edu.ge